വാഴ 2 മുതല് ഏഴ് ചിത്രങ്ങള്!ഒ.ടി.ടിയില് റിലീസുകളുടെ പൂരം..
200 കോടി ക്ലബ്ബില് ഇടംപിടിച്ച് മലയാള സിനിമയിലെ ചരിത്രവിജയമായി മാറിയ വാഴ 2 ഉള്പ്പെടെ തീയേറ്ററുകളില് ചിരിയുടെ മാലപ്പടക്കം തീര്ത്ത ഇന്ഡസ്ട്രി ഹിറ്റുകള് ഇനി നിങ്ങളുടെ വിരല്ത്തുമ്പില്.മെയ് 8 അര്ധരാത്രി മുതല് വിവിധ ഒ.ടി.ടി. പ്ലാറ്റ്ഫോമുകളിലൂടെയാണ് റിലീസ് ചെയ്യുന്നത്. മലയാളം, തമിഴ്, കന്നട ഭാഷകളില് നിന്നും പുറത്തിറങ്ങുന്ന ഈ ചിത്രങ്ങള് ഒരു മേഖാ ട്രീറ്റാണ് സിനിമാ പ്രേക്ഷകര്ക്കായി ഒ.ടി.ടി റിലീസിലൂടെ ഒരുക്കുന്നത്. വാഴ 2 – മലയാളം ജിയോ ഹോട്ട്സ്റ്റാര്,മോഹിനിയാട്ടം-മലയാളം-നെറ്റ്ഫ്ളിക്സ്,ഡകോയിറ്റ്- തെലുങ്ക്- പ്രൈം വീഡിയോ,സാത്താന് ദ ഡാര്ക്ക്- തമിഴ്- പ്രൈം വീഡിയോ,ഓ ബട്ടര്ഫ്ളൈ- തമിഴ്- സണ്നെക്സ്റ്റ്,ലവ് മോക്ക്ടെയില്- കന്നട- സീ, സൂപ്പര് ഹിറ്റ്- കന്നട- സണ്നെക്സ്റ്റ് എന്നീ ഏഴ് ചിത്രങ്ങളാണ് റിലീസ് ചെയ്തത്. 2024-ലെ സൂപ്പര്ഹിറ്റുകളുടെ രണ്ടാം ഭാഗങ്ങളായ വാഴ 2, മോഹിനിയാട്ടം എന്നിവയുടെ ഡിജിറ്റല് റിലീസിനായി കാത്തിരിക്കുകയായിരുന്നു മലയാളി പ്രേക്ഷകര്. ബോക്സ് ഓഫീസില് റെക്കോര്ഡുകള് തകര്ത്ത് 200 കോടി ക്ലബ്ബില് ഇടംപിടിച്ച വാഴ 2ന് മികച്ച പ്രേക്ഷക പിന്തുണ നേടാന് സാധിച്ചിരുന്നു. വാഴയുടെ കുതിപ്പിനിടയിലും തിയേറ്ററുകളില് നിന്ന് മാത്രം 32 കോടിയിലധികം നേടി സ്വന്തം ഇടം കണ്ടെത്താന് മോഹിനിയാട്ടത്തിനും കഴിഞ്ഞു.ആദ്യ ഭാഗങ്ങളെ കടത്തിവെട്ടുന്ന ദൃശ്യാനുഭവമാണ് ഈ രണ്ട് ചിത്രങ്ങളും സമ്മാനിച്ചത്.
ഡൽഹി vs കൊൽക്കത്ത: അതിജീവനത്തിനായുള്ള പോരാട്ടം കടുക്കും
ഡൽഹിയിലെ Arun Jaitley Stadium ൽ നടക്കുന്ന ഐപിഎൽ 2026-ലെ 51-ാം മത്സരത്തിൽ ഡൽഹി ക്യാപിറ്റൽസും Kolkata Knight Riders ഉം ഏറ്റുമുട്ടുമ്പോൾ പ്ലേ ഓഫ് പ്രതീക്ഷകൾ നിലനിർത്താനുള്ള നിർണായക പോരാട്ടത്തിനാണ് ക്രിക്കറ്റ് ലോകം സാക്ഷിയാകുന്നത്. പോയിന്റ് പട്ടികയുടെ താഴെയുള്ള ഇരുടീമുകൾക്കും ഈ മത്സരം സെമി ഫൈനലിന് തുല്യമായ സമ്മർദ്ദ പോരാട്ടമാണ്. കഴിഞ്ഞ അഞ്ച് മത്സരങ്ങളിൽ നാലിലും തോറ്റ ആത്മവിശ്വാസക്കുറവുമായാണ് Delhi Capitals ഇറങ്ങുന്നത്. സ്വന്തം മൈതാനത്ത് നടന്ന അവസാന നാല് മത്സരങ്ങളിലും തോറ്റത് ടീമിന് കൂടുതൽ തിരിച്ചടിയായി. നിലവിൽ പത്ത് മത്സരങ്ങളിൽ നിന്ന് നാല് വിജയങ്ങളുമായി ഏഴാം സ്ഥാനത്തുള്ള ഡൽഹിക്ക് അക്ഷർ പട്ടേലിന്റെ നേതൃത്വത്തിൽ തിരിച്ചുവരവ് അനിവാര്യമാണ്. മധ്യനിരയിലെ സ്ഥിരതക്കുറവും ഡെത്ത് ഓവറുകളിലെ ബൗളിംഗ് പിഴവുകളും ഡൽഹിയെ വലിയ രീതിയിൽ ബാധിച്ചിട്ടുണ്ട്. 445 റൺസുമായി ബാറ്റിംഗ് നിരയെ മുന്നിൽ നിന്ന് നയിക്കുന്ന KL Rahul ന്റെ പ്രകടനമാകും ടീമിന്റെ വിജയ സാധ്യത നിർണ്ണയിക്കുക. പ്രത്യേകിച്ച് Sunil Narine , Varun Chakravarthy എന്നിവരുടെ സ്പിൻ ആക്രമണത്തെ രാഹുൽ എങ്ങനെ നേരിടുന്നു എന്നത് നിർണായകമാകും. മറുഭാഗത്ത് സീസണിന്റെ തുടക്കത്തിൽ ആദ്യ ആറ് മത്സരങ്ങളും തോറ്റെങ്കിലും ഇപ്പോൾ തുടർച്ചയായ മൂന്ന് വിജയങ്ങളിലൂടെ ശക്തമായ തിരിച്ചുവരവാണ് കൊൽക്കത്ത നടത്തിയത്. Ajinkya Rahane യുടെ നായകത്വത്തിൽ ടീം കൂടുതൽ സ്ഥിരത കൈവരിച്ചിരിക്കുകയാണ്. അവസാന ഓവറുകളിൽ മത്സരത്തിന്റെ ഗതി മാറ്റാൻ കഴിയുന്ന Rinku Singh ന്റെ ഫിനിഷിംഗ് മികവും ടീമിന് വലിയ കരുത്താണ്. ടോപ്പ് ഓർഡറിൽ രഹാനെ നൽകുന്ന അടിത്തറ റിങ്കുവിനെപ്പോലുള്ള താരങ്ങൾക്ക് ആക്രമിച്ച് കളിക്കാൻ അവസരം സൃഷ്ടിക്കുന്നു. ഡൽഹിയുടെ ബൗളിംഗ് നിരയെ സമ്മർദ്ദത്തിലാക്കാൻ മതിയായ ബാറ്റിംഗ് ഡെപ്ത് കൊൽക്കത്തയ്ക്കുണ്ട്. അരുൺ ജെയ്റ്റ്ലി സ്റ്റേഡിയത്തിലെ പിച്ച് സ്പിന്നർമാരെ തുണയ്ക്കാൻ സാധ്യതയുള്ളതിനാൽ മത്സരം ലോകോത്തര സ്പിൻ ആക്രമണങ്ങളുടെ നേർക്കുനേർ പോരാട്ടമായി മാറും. ഒരുവശത്ത് Axar Patel , Kuldeep Yadav എന്നിവരും മറുവശത്ത് നരൈനും വരുൺ ചക്രവർത്തിയും അണിനിരക്കുമ്പോൾ റൺസ് കണ്ടെത്തുക ബാറ്റർമാർക്ക് എളുപ്പമാകില്ല. പിച്ച് ക്രമേണ മന്ദഗതിയിലാകാൻ സാധ്യതയുള്ളതിനാൽ മധ്യ ഓവറുകൾ മത്സരഫലം നിർണയിച്ചേക്കും. ചരിത്രപരമായ കണക്കുകളിൽ കൊൽക്കത്തയ്ക്കാണ് മുൻതൂക്കം. ഇരുടീമുകളും നേർക്കുനേർ വന്ന മത്സരങ്ങളിൽ 16 തവണ കൊൽക്കത്ത ജയിച്ചപ്പോൾ 12 തവണ മാത്രമാണ് ഡൽഹിക്ക് വിജയിക്കാനായത്. അവസാന മൂന്ന് മത്സരങ്ങളിലും വിജയം കൊൽക്കത്തയ്ക്കൊപ്പമായിരുന്നു. ഡൽഹിയുടെ നിലവിലെ പതർച്ചയും കൊൽക്കത്തയുടെ വിജയക്കുതിപ്പും പരിഗണിക്കുമ്പോൾ മത്സരത്തിൽ നേരിയ മുൻതൂക്കം കൊൽക്കത്തയ്ക്കാണ്. രാത്രിയിലെ മഞ്ഞുവീഴ്ച കണക്കിലെടുത്ത് ടോസ് നേടുന്ന ടീം ആദ്യം പന്തെറിയാൻ സാധ്യത കൂടുതലാണ്. 175 മുതൽ 185 വരെയുള്ള സ്കോർ ഇവിടെ മത്സരക്ഷമമായ ഒന്നായി കണക്കാക്കപ്പെടുന്നു. ഈ മത്സരത്തിലെ വിജയം കൊൽക്കത്തയുടെ പ്ലേ ഓഫ് പ്രതീക്ഷകൾ കൂടുതൽ ശക്തമാക്കുമ്പോൾ തോൽവി ഡൽഹിയുടെ സാധ്യതകൾ ഏതാണ്ട് അവസാനിപ്പിച്ചേക്കും.
കേരള മുഖ്യമന്ത്രി നിർണയം: ഹൈക്കമാൻഡ് ഹിതപരിശോധന പൂർത്തിയായി
കേരള മുഖ്യമന്ത്രിയെ നിശ്ചയിക്കുന്നതിനായി എ.ഐ.സി.സി. നിരീക്ഷകർ നടത്തിയ ഹിതപരിശോധനയിൽ വി.ഡി. സതീശൻ, രമേശ് ചെന്നിത്തല, കെ.സി. വേണുഗോപാൽ എന്നിവർക്കായി ഗ്രൂപ്പ് അടിസ്ഥാനത്തിൽ ശക്തമായ അവകാശവാദങ്ങളാണ് ഉയരുന്നത്. 63 കോൺഗ്രസ് എം.എൽ.എമാരിൽ 47 പേരുടെ പിന്തുണയുണ്ടെന്ന് കെ.സി. പക്ഷം അവകാശപ്പെടുമ്പോൾ, 35 പേർ തങ്ങൾക്കൊപ്പമുണ്ടെന്ന് സതീശൻ അനുകൂലികളും 23 പേരുടെ പിന്തുണ ചെന്നിത്തലയും ഉറപ്പിക്കുന്നു. ഇതിൽ എ ഗ്രൂപ്പിലെ 18 പേർ കെ.സി. വേണുഗോപാലിനെ പിന്തുണച്ചതായാണ് വിവരം. സണ്ണി ജോസഫ് സർക്കാരിന്റെ ഭാഗമായാൽ ബെന്നി ബെഹനാനെ കെ.പി.സി.സി. പ്രസിഡന്റാക്കാമെന്ന ധാരണയും തിരഞ്ഞെടുപ്പ് ചെലവുകളിലടക്കം കെ.സി. നൽകിയ സഹായവുമാണ് ഈ പിന്തുണയ്ക്ക് പിന്നിലെന്ന് സൂചനയുണ്ട്. വി.ഡി. സതീശനും രമേശ് ചെന്നിത്തലയും നിരീക്ഷകരായ അജയ് മാക്കനെയും മുകുൾ വാസ്നിക്കിനെയും നേരിൽക്കണ്ട് തങ്ങളുടെ അർഹതകൾ വ്യക്തമാക്കി. തുടർച്ചയായ തോൽവികളിൽ നിന്ന് മുന്നണിയെ വിജയത്തിലേക്ക് നയിച്ച സാഹചര്യവും പൊതുസമൂഹത്തിനിടയിലെ സ്വീകാര്യതയും സതീശൻ ചൂണ്ടിക്കാട്ടി. എന്നാൽ, തന്റെ സീനിയോറിറ്റിയും എല്ലാവരെയും ഒരുമിച്ച് കൊണ്ടുപോകാനുള്ള കഴിവും വ്യക്തമാക്കിയ ചെന്നിത്തല, മുഖ്യമന്ത്രിയാകാൻ ഇത് തന്റെ അവസാന അവസരമാണെന്നും നിരീക്ഷകരെ അറിയിച്ചു. എം.എൽ.എമാരിൽ സണ്ണി ജോസഫും ടി. സിദ്ദിഖും സന്ദീപ് വാര്യരും ഉൾപ്പെടെ കെ.സിക്ക് പിന്തുണ നൽകിയെന്ന് രേഖകൾ വ്യക്തമാക്കുന്നുണ്ടെങ്കിലും, സന്ദീപ് വാര്യർ, രമേഷ് പിഷാരടി, ചാണ്ടി ഉമ്മൻ തുടങ്ങിയവർ ഹൈക്കമാൻഡ് തീരുമാനം അംഗീകരിക്കുമെന്ന നിഷ്പക്ഷ നിലപാടാണ് ഔദ്യോഗികമായി സ്വീകരിച്ചത്. ഇന്ത്യ ന്യൂ എക്സ്പ്രസ്സിലൂടെ പുറത്തുവന്ന രേഖകളുടെ റിപ്പോർട്ട് കെ സിയെ അനുകൂലിച്ച് രമേശ് പിഷാരടിയുടെയും സന്ദീപ് പേരുകൾ പുറത്തുവന്നിരുന്നു അനുകൂലിക്കുന്ന നിലപാടാണ് സന്ദീപ് വാര്യർ പ്രതികരിച്ചത് മറ്റുള്ളവർ പ്രതികരിച്ചിട്ടില്ല.ഘടകകക്ഷികൾ വി.ഡി. സതീശന്റെ നേതൃത്വത്തെ പൂർണ്ണമായി പിന്തുണച്ചെങ്കിലും മുഖ്യമന്ത്രി സ്ഥാനത്തേക്ക് പ്രത്യേക വ്യക്തിക്കായി കടുംപിടിത്തം പിടിച്ചില്ല. എങ്കിലും, നിലവിലെ സാഹചര്യത്തിൽ സംസ്ഥാനത്ത് ഉടൻ ഉപതിരഞ്ഞെടുപ്പ് സാഹചര്യം ഒരുക്കുന്നത് ജനങ്ങളെ വെല്ലുവിളിക്കുന്നതിന് തുല്യമാകുമെന്ന് അവർ മുന്നറിയിപ്പ് നൽകി. നിരീക്ഷകർ ഡൽഹിയിൽ മടങ്ങിയെത്തി കോൺഗ്രസ് അധ്യക്ഷൻ മല്ലികാർജുൻ ഖാർഗെയെ കണ്ട് വിവരങ്ങൾ ധരിപ്പിച്ചു. വിശദമായ റിപ്പോർട്ട് കൂടി സമർപ്പിക്കുന്നതോടെ ഹൈക്കമാൻഡ് അന്തിമ പ്രഖ്യാപനം നടത്തും.
ദൃശ്യം 3 ബോക്സ് ഓഫീസ് തരംഗം: റിലീസിന് മുൻപേ കോടികൾ വാരി ജോർജുകുട്ടിയുടെ മടങ്ങിവരവ്
മലയാള സിനിമയിൽ മാത്രമല്ല, ഇന്ത്യൻ ചലച്ചിത്ര ലോകം ഒന്നടങ്കം വലിയ ആകാംക്ഷയോടെ കാത്തിരിക്കുന്ന ചിത്രമാണ് ദൃശ്യം 3. നിരവധി ഭാഷകളിലേക്ക് റീമേക്ക് ചെയ്യപ്പെടുകയും ആഗോളതലത്തിൽ ശ്രദ്ധിക്കപ്പെടുകയും ചെയ്ത ഒരു ഫ്രാഞ്ചൈസിയുടെ മൂന്നാം ഭാഗം എന്ന നിലയിൽ വലിയ സമ്മർദ്ദവും പ്രതീക്ഷയുമാണ് ഈ ചിത്രത്തിന് മേലുള്ളത്. മെയ് 21-ന് മോഹൻലാലിന്റെ ജന്മദിനത്തിൽ ചിത്രം ലോകവ്യാപകമായി തിയറ്ററുകളിൽ എത്തുകയാണ്. ജോർജുകുട്ടിയുടെ ഈ മൂന്നാം വരവ് പ്രേക്ഷകർക്കിടയിൽ എത്രത്തോളം ആവേശം സൃഷ്ടിക്കുന്നു എന്നതിന്റെ വ്യക്തമായ സൂചനകളാണ് ഇപ്പോൾ പുറത്തുവരുന്ന ആദ്യ ബോക്സ് ഓഫീസ് കണക്കുകൾ നൽകുന്നത്. ചിത്രത്തിന്റെ അഡ്വാൻസ് ബുക്കിംഗ് റിപ്പോർട്ടുകൾ സിനിമാ മേഖലയെ അമ്പരപ്പിക്കുന്ന രീതിയിലാണ് മുന്നേറുന്നത്. ഇന്ത്യയിൽ ഔദ്യോഗികമായി അഡ്വാൻസ് ബുക്കിംഗ് ആരംഭിച്ചിട്ടില്ലെങ്കിലും വിദേശ രാജ്യങ്ങളിൽ റിലീസിന് രണ്ടാഴ്ച മുൻപേ ബുക്കിംഗ് തുടങ്ങിക്കഴിഞ്ഞു. വിദേശ വിപണികളിലെ പ്രീമിയർ ഷോകളിൽ നിന്നും റിലീസ് ദിന ടിക്കറ്റ് വിൽപ്പനയിൽ നിന്നുമായി ചിത്രം ഇതിനകം 75,000 ഡോളറിലധികം (ഏകദേശം 70.8 ലക്ഷം രൂപ) സ്വന്തമാക്കിയെന്നാണ് കണക്കുകൾ സൂചിപ്പിക്കുന്നത്. ആദ്യ വാരാന്ത്യത്തിലേക്കുള്ള ആഗോള ബുക്കിംഗ് 1.15 ലക്ഷം ഡോളർ പിന്നിട്ടു കഴിഞ്ഞു. ഇതിന് പുറമെ കേരളത്തിൽ ആരംഭിച്ച ഫാൻസ് ഷോകളുടെ ടിക്കറ്റ് വിൽപ്പന കൂടി കണക്കിലെടുത്താൽ ചിത്രം റിലീസിന് മുൻപേ 1.50 കോടി രൂപയോളം നേടിക്കഴിഞ്ഞു. കേരളത്തിലെ പൊതുവായ അഡ്വാൻസ് ബുക്കിംഗ് ആരംഭിക്കുന്നതിന് മുൻപ് തന്നെ ഇത്രയും വലിയ തുക സമാഹരിക്കാനായത് ചിത്രത്തോടുള്ള പ്രേക്ഷകരുടെ താൽപ്പര്യം വ്യക്തമാക്കുന്നു. ബോക്സ് ഓഫീസിൽ ദൃശ്യം 3 സൃഷ്ടിക്കാൻ പോകുന്ന തരംഗത്തെക്കുറിച്ച് വലിയ ചർച്ചകളാണ് നടക്കുന്നത്. ചിത്രം പോസിറ്റീവ് പ്രതികരണം നേടുകയാണെങ്കിൽ എമ്പുരാൻ പോലെയുള്ള വമ്പൻ ചിത്രങ്ങളുടെ ഓപ്പണിംഗ് റെക്കോർഡുകൾ പോലും തകർക്കാൻ ഇതിന് സാധിക്കുമെന്ന് വിലയിരുത്തപ്പെടുന്നു. ഏപ്രിൽ മാസം റിലീസ് ചെയ്യാനിരുന്ന ചിത്രം ആരാധകർക്ക് വലിയൊരു സമ്മാനമെന്ന നിലയിലാണ് മോഹൻലാലിന്റെ പിറന്നാൾ ദിനമായ മെയ് 21-ലേക്ക് മാറ്റിയത്. ചിത്രത്തിന്റെ ആഗോള വിപണി സാധ്യതകൾ തിരിച്ചറിഞ്ഞ് ബോളിവുഡിലെ പ്രമുഖ സ്റ്റുഡിയോകൾ ആശിർവാദ് സിനിമാസിനൊപ്പം സഹകരിക്കുന്നുണ്ട്. ജോർജുകുട്ടിയുടെ ബുദ്ധിപരമായ നീക്കങ്ങൾ ഇത്തവണ എങ്ങനെയൊക്കെയായിരിക്കും എന്നറിയാനുള്ള കാത്തിരിപ്പിലാണ് ആരാധകർ.
മനുഷ്യരിൽ നിന്ന് മനുഷ്യരിലേക്ക്..ഭീതി പരത്തി ഹാന്റ വൈറസ്!
ലോകത്തെ വീണ്ടും ഭീതിയിലാഴ്ത്തിക്കൊണ്ട് ഹാന്റ വൈറസ് വാർത്തകളിൽ നിറയുകയാണ്. എം വി ഹോണ്ടിയസ് എന്ന ക്രൂസ് കപ്പലിൽ റിപ്പോർട്ട് ചെയ്യപ്പെട്ട മരണങ്ങളാണ് ഈ വൈറസിനെ കുറിച്ചുള്ള ചർച്ചകൾക്ക് വീണ്ടും ആക്കം കൂട്ടിയത്. കപ്പലിലുണ്ടായ ഹാന്റ വൈറസ് ബാധയെത്തുടർന്ന് ഇതുവരെ മൂന്ന് യാത്രക്കാർ മരിക്കുകയും നിരവധി പേർക്ക് രോഗം ബാധിക്കുകയും ചെയ്തിട്ടുണ്ട്.സാധാരണ വൈറസ് ബാധകളിൽ നിന്ന് വ്യത്യസ്തമായി, എലികളിലൂടെയും മറ്റുമാണ് (Rodents) ഇത് മനുഷ്യരിലേക്ക് എത്തുന്നത്. ആദ്യകാലങ്ങളിൽ എലികളിൽ നിന്ന് എലികളിലേക്ക് വ്യാപിച്ചിരുന്ന ഈ രോഗം ഇന്ന് മനുഷ്യരിൽ നിന്ന് മനുഷ്യരിലേക്ക് പകരുകയാണ്.പ്രധാനമായും എലികളുടെ വിസർജ്യങ്ങളിലൂടെയും ഉമിനീരിലൂടെയും മനുഷ്യരിലേക്ക് പടരുന്ന ഈ വൈറസ് ശ്വാസകോശത്തെയും വൃക്കകളെയുമാണ് ബാധിക്കുന്നത്. അമിതമായ പനിയും വിറയലും,പേശിവേദന (പ്രത്യേകിച്ച് തുടകൾ, ഇടുപ്പ്, പുറംഭാഗം എന്നിവിടങ്ങളിൽ).തലവേദന, ക്ഷീണം, വയറുവേദന എന്നിവയാണ് ഇതിന്റെ ലക്ഷണങ്ങൾ. നിലവിൽ ഹാന്റ വൈറസിന് ലക്ഷണങ്ങൾ ഇല്ല.തീവ്രപരിചരണവും 24 മണിക്കൂർ നിരീക്ഷണവും മാത്രമാണ് ചികിത്സ.എലികൾ വരാൻ സാധ്യതയുള്ള ഇടങ്ങൾ വൃത്തിയാക്കുമ്പോൾ മാസ്കും കൈയ്യുറയും ധരിക്കുകയും അടച്ചിട്ട മുറികൾ തുറക്കുമ്പോൾ നല്ലതുപോലെ വായുസഞ്ചാരം ഉറപ്പാക്കിയ ശേഷം മാത്രം പ്രവേശിക്കുകയുമാണ് ഹാന്റ വൈറസിൽ നിന്നുള്ള ഏക പ്രതിരോധ മാർഗം. നിലവിൽ 149 യാത്രക്കാരുമായി വെസ്റ്റ് ആഫ്രിക്കൻ തീരത്തുള്ള കപ്പലിൽ ഇന്ത്യൻ ജീവനക്കാരുണ്ടെന്നും റിപ്പോർട്ടുകൾ സൂചിപ്പിക്കുന്നു.അർജന്റീനയിൽ നിന്ന് യാത്ര തിരിച്ച കപ്പലിൽ പനിയും ശ്വാസതടസ്സവും മൂലമാണ് ആദ്യമരണം സംഭവിച്ചത്. സംഭവത്തിൽ ലോകാരോഗ്യ സംഘടന വിശദമായ റിപ്പോർട്ട് തേടിയിട്ടുണ്ട്.ആദ്യ മരണം റിപ്പോർട്ട് ചെയ്ത ശേഷവും 12 ദിവസത്തോളം കപ്പലിൽ ഐസൊലേഷൻ നടപടികൾ സ്വീകരിച്ചില്ലെന്ന് ആരോപിച്ച യാത്രക്കാർ വിനോദപരിപാടികളും ഭക്ഷണവിതരണവും സാധാരണ രീതിയിൽ നടന്നതായി ആരോപിക്കുന്നു. പിന്നീട് ആദ്യ മരണം സംഭവിച്ചപ്പോൾ “സ്വാഭാവിക മരണം” എന്നായിരുന്നു അധികൃതർ യാത്രക്കാരോട് പറഞ്ഞിരുന്നത്.കേപ് വെർഡെ തീരത്ത് കപ്പൽ നിരീക്ഷണത്തിൽ തുടരവെ വിവിധ തുറമുഖങ്ങളിൽ കപ്പൽ ഇറങ്ങിയ യാത്രക്കാരെ കണ്ടെത്താൻ അധികൃതർ ശ്രമം തുടങ്ങിയിട്ടുണ്ട്.
തൃശൂർ അവയവ മാഫിയയുടെ ഹബ്ബ്; ഇരയാക്കപ്പെടുന്നത് സ്ത്രീകൾ: ഞെട്ടിക്കുന്ന വെളിപ്പെടുത്തലുമായി ഡോ. ഹിതേഷ് ശങ്കർ
തൃശൂർ മെഡിക്കൽ കോളേജിലെ ഫോറൻസിക് സർജൻ ഡോ. ഹിതേഷ് ശങ്കർ പങ്കുവെച്ച ഫേസ്ബുക്ക് കുറിപ്പിലൂടെ കേരളത്തെ നടുക്കുന്ന അവയവ മാഫിയയുടെ ഞെട്ടിക്കുന്ന വിവരങ്ങളാണ് പുറത്തുവരുന്നത്. തൃശൂർ ജില്ല നിലവിൽ അവയവ വ്യാപാരത്തിന്റെ പ്രധാന കേന്ദ്രമായി മാറിയിരിക്കുകയാണെന്നും ഇതിൽ ഏറ്റവും കൂടുതൽ ഇരയാക്കപ്പെടുന്നത് സാമ്പത്തികമായി തകർന്നുപോയ സ്ത്രീകളാണെന്നും അദ്ദേഹം വ്യക്തമാക്കുന്നു. അവയവദാനത്തിനായി തന്റെ മുന്നിലെത്തുന്ന അപേക്ഷകളിൽ ഭൂരിഭാഗവും സ്ത്രീകളുടേതാണെന്ന വസ്തുത ഈ ചൂഷണത്തിന്റെ ആഴം വർദ്ധിപ്പിക്കുന്നു. ഒരു ദിവസം പരിശോധിച്ച എട്ട് കേസുകളിൽ ഏഴിലും ദാതാക്കൾ സ്ത്രീകളായിരുന്നുവെന്നത് ഈ മാഫിയ സംഘങ്ങൾ ലക്ഷ്യമിടുന്നത് ആരെയാണെന്നതിന്റെ വ്യക്തമായ സൂചനയാണ് നൽകുന്നത്. ഈ കുറ്റകൃത്യത്തിന് പിന്നിൽ കൃത്യമായ തിരക്കഥയോടെ പ്രവർത്തിക്കുന്ന വലിയൊരു ഏജന്റ് ശൃംഖല തന്നെയുണ്ട്. ദാതാവായ സ്ത്രീക്ക് രോഗിയുമായി യാതൊരു ബന്ധവുമില്ലെങ്കിലും, ഭർത്താവിന്റെ സുഹൃത്താണെന്നോ അല്ലെങ്കിൽ പണ്ട് സഹായിച്ചിട്ടുള്ള ആളാണെന്നോ ഉള്ള വ്യാജമായ വൈകാരിക കഥകൾ മാഫിയ ഇവർക്ക് പഠിപ്പിച്ചു നൽകുന്നു. തൃശൂരിലെ കൈപ്പമംഗലം, കൊടുങ്ങല്ലൂർ, ആലപ്പുഴയിലെ ചേർത്തല തുടങ്ങിയ തീരദേശ മേഖലകളിലെ ദാരിദ്ര്യം അനുഭവിക്കുന്ന സാധാരണക്കാരായ സ്ത്രീകളെയാണ് ഏജന്റുമാർ പ്രധാനമായും വലയിലാക്കുന്നത്. പണം നൽകി അവയവം കൈക്കലാക്കുന്നതോടെ ദാതാവുമായുള്ള എല്ലാ ബന്ധവും മാഫിയ അവസാനിപ്പിക്കുന്നു. മതിയായ വിശ്രമമോ തുടർച്ചികിത്സയോ ലഭിക്കാതെ ഈ സ്ത്രീകൾ പിന്നീട് കടുത്ത ആരോഗ്യപ്രശ്നങ്ങളിലേക്ക് തള്ളപ്പെടുകയും ചെയ്യുന്നു. അവയവമാറ്റത്തിനായി നിയമപരമായ അനുമതി നൽകുന്ന സമിതികൾക്ക് മേൽ പോലും മാഫിയ സംഘങ്ങൾ വലിയ സമ്മർദ്ദമാണ് ചെലുത്തുന്നത്. അപേക്ഷകൾ തള്ളിക്കളയുമ്പോൾ കോടതി മുഖേന അനുമതി വാങ്ങി വീണ്ടും നിയമത്തെ മറികടക്കാൻ ശ്രമിക്കുന്നതും പതിവാണെന്ന് ഡോക്ടർ വെളിപ്പെടുത്തുന്നു. ഒന്നുകിൽ അവയവ വാണിജ്യം കർശന നിയന്ത്രണങ്ങളോടെ നിയമവിധേയമാക്കുകയോ അല്ലെങ്കിൽ നിലവിലുള്ള സംവിധാനങ്ങളിലെ പഴുതുകൾ അടച്ച് മാഫിയകളെ അടിച്ചമർത്തുകയോ വേണമെന്നാണ് ഡോ. ഹിതേഷ് ശങ്കർ ആവശ്യപ്പെടുന്നത്. കേരളം കണ്ടതിൽ വെച്ച് ഏറ്റവും ഭയാനകമായ മനുഷ്യ ചൂഷണമായി തൃശൂരിലെ ഈ അവയവ കച്ചവടം മാറിയിരിക്കുകയാണെന്ന് അദ്ദേഹം തന്റെ കുറിപ്പിലൂടെ ഓർമ്മിപ്പിക്കുന്നു. ഡോ. ഹിതേഷ് ശങ്കറിന്റെ ഫേസ്ബുക്ക് പോസ്റ്റ് പൂർണ്ണരൂപംപ്രിയരേ, തൃശ്ശൂർ കഴിഞ്ഞ കുറച്ച് വർഷങ്ങളായി അവയവ കച്ചവടത്തിൻ്റെ ഒരു കേന്ദ്രമായി മാറുന്നുവെന്നത് വളരെ ആശങ്കാജനകമാണ്. പ്രത്യേകിച്ച് കൈപ്പമംഗലം, കൊടുങ്ങല്ലൂർ (ത്രിശ്ശൂർ), ചേർത്തല (ആലപ്പുഴ), കൊല്ലം തീരപ്രദേശങ്ങൾ എന്നിവിടങ്ങളിലെ സാമ്പത്തികമായി പിന്നാക്കം നിൽക്കുന്ന ആളുകളെയാണ് ലക്ഷ്യമിടുന്നത്. ജില്ലാതല അംഗീകാര സമിതി നിരസിച്ച കേസുകൾ പോലും ഹൈക്കോടതിയുടെ അനുമതി തേടി വീണ്ടും മുന്നോട്ടു കൊണ്ടുപോകുന്നു. അതിലും ഗുരുതരമായി, ചില സാഹചര്യങ്ങളിൽ കോടതിയുടെ നിർദ്ദേശ പ്രകാരം തൃശ്ശൂർ ജില്ലാ സമിതിക്ക് അതിന്റെ അധികാരപരിധിക്ക് പുറത്തുള്ള കേസുകൾ പോലും പരിഗണിക്കേണ്ടിവരുന്നു. ഇതിൽ കൂടുതൽ ആശങ്കാജനകമായ മറ്റൊരു വസ്തുത ചില സമിതി അംഗങ്ങൾക്ക് വിവിധ ഭാഗങ്ങളിൽ നിന്നായി “അനുമതി നൽകണം” എന്ന സമ്മർദ്ദം ചെലുത്തുന്ന ഫോൺ കോളുകൾ ലഭിക്കുന്നുവെന്നാണ് വിവരം.ഇത് നിർണായകമായ തീരുമാനങ്ങളെ സ്വാധീനിക്കാൻ ശ്രമിക്കുന്ന സംഘടിത ഇടപെടലുകളുടെ സൂചനയാണ്. ഇന്നത്തെ അവസ്ഥയിൽ ഏറ്റവും ഭീതിജനകമായ ഒരു പ്രവണത സ്ത്രീ ദാതാക്കളുടെ വർധനവാണ്. ഇന്ന് പരിഗണിച്ച 8 കേസുകളിൽ 7 പേരും സ്ത്രീകളായിരുന്നു. ഇവരിൽ പലർക്കും സ്വീകരിക്കുന്ന രോഗിയെ നേരിട്ട് അറിയില്ല. ഭർത്താവിന്റെ പരിചയത്തിൻ്റെ അടിസ്ഥാനത്തിലാണ് അവയവദാനം നടത്തുന്നത്. “ആത്മാർത്ഥ ദാനം” എന്ന പേരിൽ കൃത്രിമ കഥകൾ സൃഷ്ടിക്കപ്പെടുന്നു. എന്നാൽ ഇതിന് പിന്നിൽ വ്യാപകമായ സാമ്പത്തിക ഇടപാടുകൾ നടക്കുന്നതായി ശക്തമായ സംശയങ്ങൾ ഉണ്ട്. ഇത് മനുഷ്യാവകാശ ലംഘനമാണ്. ദാരിദ്ര്യവും അറിവില്ലായ്മയും ദുരുപയോഗം ചെയ്യുന്നതാണ്പ്രത്യേകിച്ച് സ്ത്രീകളെ ഇത്തരം ശൃംഖലകളിൽ കുടുക്കുന്നത് അതീവ ഗൗരവമുള്ള സാമൂഹിക പ്രശ്നമാണ്.അതിനാൽ രണ്ടിൽ ഒന്ന് സംഭവിക്കണം: അല്ലെങ്കിൽ
സിനിമ അരങ്ങേറ്റത്തിന് തൊട്ടുമുൻപ് വിവാദം; വൈറൽ വീഡിയോയിൽ കുടുങ്ങി ഹൻസിക കൃഷ്ണ
സോഷ്യൽ മീഡിയ ഇൻഫ്ലുവൻസറും നടൻ കൃഷ്ണകുമാറിന്റെ മകളുമായ ഹൻസിക കൃഷ്ണയുടെ ഒരു വീഡിയോയെച്ചൊല്ലിയുള്ള ചർച്ചകളാണ് ഇപ്പോൾ സൈബർ ഇടങ്ങളിൽ നിറയുന്നത്. ഹൻസികയുടെ സബ്സ്ക്രൈബർമാർക്ക് വേണ്ടി മാത്രം പങ്കുവെച്ചതെന്ന് കരുതപ്പെടുന്ന ഒരു വീഡിയോ സോഷ്യൽ മീഡിയ പ്ലാറ്റ്ഫോമുകളിൽ വ്യാപകമായി പ്രചരിച്ചതാണ് വിവാദത്തിന് കാരണമായത്. ഈ വീഡിയോ ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് നിർമ്മിച്ച ഡീപ് ഫേക്ക് ആണോ അതോ താരം തന്നെ പങ്കുവെച്ചതാണോ എന്ന കാര്യത്തിൽ ആരാധകർക്കിടയിൽ വലിയ സംശയങ്ങൾ നിലനിൽക്കുന്നുണ്ട്. വീഡിയോ വൈറലായതിന് പിന്നാലെ ഹൻസികയ്ക്കെതിരെ വലിയ വിമർശനങ്ങളും ഉയരുന്നുണ്ട്. തന്റെ ഇൻസ്റ്റാഗ്രാം സബ്സ്ക്രിപ്ഷൻ വർദ്ധിപ്പിക്കുന്നതിനായി മനപ്പൂർവ്വം ഇത്തരം വീഡിയോകൾ പ്രചരിപ്പിച്ചു എന്നാണ് പ്രധാന ആരോപണം. 299 രൂപയായിരുന്ന സബ്സ്ക്രിപ്ഷൻ ചാർജ് ഇപ്പോൾ 390 രൂപയായി ഉയർത്തിയെന്നും, വിവാദത്തിന് പിന്നാലെ സബ്സ്ക്രൈബർമാരുടെ എണ്ണത്തിൽ വൻ വർദ്ധനവ് ഉണ്ടായതായും സോഷ്യൽ മീഡിയയിൽ റിപ്പോർട്ടുകളുണ്ട്. എന്നാൽ ഈ വിവാദങ്ങളോട് ഹൻസികയോ കുടുംബമോ ഇതുവരെ ഔദ്യോഗികമായി പ്രതികരിച്ചിട്ടില്ല. നസ്ലിൻ നായകനാകുന്ന ‘ബാച്ചിലർ പാർട്ടി 2’ എന്ന ചിത്രത്തിലൂടെ സിനിമയിൽ അരങ്ങേറ്റം കുറിക്കാൻ തയ്യാറെടുക്കുന്നതിനിടെയാണ് താരത്തെ തേടി ഈ വിവാദം എത്തിയിരിക്കുന്നത്.
പതിനാറ് വർഷത്തിന് ശേഷം ഇന്ദ്രജിത്ത് സുകുമാരൻ ബോളിവുഡിലേക്ക്; അനുരാഗ് കശ്യപ് ചിത്രം ‘ബന്ദർ’ ടീസർ പുറത്തിറങ്ങി
മലയാളത്തിലെ പ്രിയ താരം ഇന്ദ്രജിത്ത് സുകുമാരൻ നീണ്ട 16 വർഷത്തെ ഇടവേളയ്ക്ക് ശേഷം ബോളിവുഡിലേക്ക് ശക്തമായ തിരിച്ചുവരവ് നടത്തുന്നു എന്ന ആവേശകരമായ വാർത്തയാണ് ‘ബന്ദർ’ എന്ന ചിത്രത്തിന്റെ ടീസർ പുറത്തു വന്നതോടെ സിനിമാ ലോകത്ത് ചർച്ചയാകുന്നത്. പ്രശസ്ത സംവിധായകൻ അനുരാഗ് കശ്യപ് ഒരുക്കുന്ന ഈ പീരിയഡ് ആക്ഷൻ ഡ്രാമയിൽ ബോളിവുഡ് താരം ബോബി ഡിയോളിനൊപ്പമാണ് ഇന്ദ്രജിത്ത് പ്രധാന വേഷത്തിൽ എത്തുന്നത്. 2010-ൽ പുറത്തിറങ്ങിയ ‘ദി വെയ്റ്റിംഗ് റൂം’ എന്ന സിനിമയ്ക്ക് ശേഷം ഇന്ദ്രജിത്ത് അഭിനയിക്കുന്ന രണ്ടാമത്തെ ഹിന്ദി ചിത്രമാണിത്. ഇന്ദ്രജിത്തിന് പുറമെ കന്നഡ നടനും സംവിധായകനുമായ രാജ് ബി. ഷെട്ടി, സന്യ മൽഹോത്ര എന്നിവരും ഈ ചിത്രത്തിൽ അണിനിരക്കുന്നുണ്ട് എന്നതും സിനിമയുടെ പ്രത്യേകതയാണ്. ടൊറന്റോ ഇന്റർനാഷണൽ ഫിലിം ഫെസ്റ്റിവലിൽ പ്രദർശിപ്പിക്കുകയും മികച്ച പ്രതികരണം നേടുകയും ചെയ്ത ഈ ചിത്രം വലിയ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്. ‘ബന്ദർ’ എന്ന പേര് സൂചിപ്പിക്കുന്നത് പോലെ തന്നെ നിഗൂഢതയും ആകാംക്ഷയും നിറഞ്ഞ മുഹൂർത്തങ്ങളാണ് ടീസറിൽ കാണാൻ സാധിക്കുന്നത്. ബോളിവുഡിലെ പ്രഗത്ഭരായ സാങ്കേതിക പ്രവർത്തകർക്കൊപ്പം ഇന്ദ്രജിത്തിനെപ്പോലൊരു മികച്ച മലയാളി നടൻ ഒന്നിക്കുമ്പോൾ അത് ഇന്ത്യൻ സിനിമയിൽ തന്നെ വലിയ ചലനമുണ്ടാക്കുമെന്നാണ് കരുതപ്പെടുന്നത്. ജൂൺ 5-ന് ലോകമെമ്പാടുമുള്ള തിയേറ്ററുകളിൽ റിലീസിനൊരുങ്ങുന്ന ഈ ചിത്രം ഇന്ദ്രജിത്തിന്റെ കരിയറിലെ മറ്റൊരു നാഴികക്കല്ലായി മാറുമെന്നുറപ്പാണ്.