അത്യാധുനിക യുദ്ധവിമാനത്തിന് 90കളിലെ മെമ്മറി കാർഡുകൾ വേണം; പഴയ സാങ്കേതികവിദ്യ തേടി അമേരിക്കൻ വ്യോമസേന

അത്യാധുനിക സ്റ്റെൽത്ത് യുദ്ധവിമാനമായ എഫ്-22 റാപ്റ്ററിന് ആവശ്യമായത് 90കളിലെ പഴയ മെമ്മറി കാർഡുകൾ! വിമാനത്തിലെ വിവര കൈമാറ്റ സംവിധാനങ്ങൾക്കായി കുറഞ്ഞത് 256 എം.ബി. ശേഷിയുള്ള മെമ്മറി കാർഡുകൾ ലഭ്യമാക്കാൻ അമേരിക്കൻ വ്യോമസേന കമ്പനികളെ തേടുകയാണ്. നവംബർ 16ന് സർക്കാർ വെബ് പോർട്ടലിൽ പ്രസിദ്ധീകരിച്ച അറിയിപ്പിലൂടെ ഡിസംബർ ഒന്നിനകം താൽപര്യമുള്ള കമ്പനികളോട് പ്രതികരണം അറിയിക്കാനും നിർദേശിച്ചിട്ടുണ്ട്.

മെമ്മറി കാർഡുകൾ വാങ്ങുന്നതിനുള്ള കരാർ പ്രഖ്യാപിക്കുകയല്ല, അവ വിതരണം ചെയ്യാൻ ശേഷിയുള്ള കമ്പനികളെ കണ്ടെത്തുകയാണ് നിലവിലെ നീക്കത്തിന്റെ ലക്ഷ്യം. വിപണിയിലെ ലഭ്യതയും വിതരണക്കാരുടെ ശേഷിയും വിലയിരുത്തുന്നതിനുള്ള പ്രാഥമിക വിവരശേഖരണമാണ് നടക്കുന്നത്. അമേരിക്കൻ കമ്പനികൾക്കാണ് ഈ അന്വേഷണത്തിൽ മുൻഗണന നൽകുന്നത്.

ശത്രുവിന്റെ റഡാറുകളെ വെട്ടിച്ച് പറക്കാൻ ശേഷിയുള്ള, ലോകത്തിലെ ഏറ്റവും മികച്ച യുദ്ധവിമാനങ്ങളിലൊന്നായി വിശേഷിപ്പിക്കപ്പെടുന്ന എഫ്-22 റാപ്റ്ററിന്റെ സാങ്കേതിക സംവിധാനങ്ങൾ ഇന്നും പഴയ സ്റ്റോറേജ് ഉപകരണങ്ങളെ ആശ്രയിക്കുന്നു എന്നതാണ് കൗതുകം. ആധുനിക സ്മാർട്ട്‌ഫോണുകളിലെ സ്റ്റോറേജ് ശേഷിയുമായി താരതമ്യം ചെയ്യുമ്പോൾ 256 എം.ബി. വളരെ ചെറുതാണെങ്കിലും, വിമാനത്തിന്റെ നിലവിലുള്ള സംവിധാനങ്ങളുമായി പൊരുത്തപ്പെടുന്ന പഴയ മെമ്മറി കാർഡുകൾക്ക് ഇപ്പോഴും നിർണായക പ്രാധാന്യമുണ്ട്.

Share it :
Admin

Leave a Reply

Your email address will not be published. Required fields are marked *

Get free tips and resources right in your inbox, along with 10,000+ others

Categories