അരികൊമ്പന്റെ കഥയുമായി തമിഴ് ചിത്രം; ടീസർ തരംഗമാകുന്നു

നാടിനെയും കാടിനെയും ഒരുപോലെ വിറപ്പിച്ച അരികൊമ്പന്റെ ജീവിതവും വനമേഖലയിൽ ജീവിക്കുന്ന മനുഷ്യരുടെ പോരാട്ടവും പ്രമേയമാക്കി ഒരുങ്ങുന്ന പുതിയ തമിഴ് ചിത്രം ‘അരികൊമ്പൻ’ തിയേറ്ററുകളിലേക്ക്. ഏറെ പ്രതീക്ഷയോടെ കാത്തിരുന്ന ചിത്രത്തിന്റെ ടീസർ പുറത്തിറങ്ങിയതിന് പിന്നാലെ സോഷ്യൽ മീഡിയയിൽ ശ്രദ്ധ നേടുകയാണ്. യഥാർഥ സംഭവങ്ങളുടെ പശ്ചാത്തലത്തിൽ വൈകാരിക മുഹൂർത്തങ്ങൾക്കും ആക്ഷൻ രംഗങ്ങൾക്കും പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്. മലയാള ചിത്രം ‘ട്രാഫിക്കി’ന്റെ തമിഴ് റീമേക്കിൽ ആസിഫ് അലിയുടെ വേഷം അവതരിപ്പിച്ച് ശ്രദ്ധേയനായ മിഥുൻ മഹേശ്വരനാണ് ചിത്രത്തിന്റെ സംവിധായകനും നായകനും. ‘എങ്കെയും എപ്പോതും’, ‘ചെന്നൈയിൽ ഒരു നാൾ’, ‘കോക്ടെയിൽ’, ‘യുദ്ധസത്തം’ തുടങ്ങി നിരവധി തമിഴ് ചിത്രങ്ങളിലൂടെ മിഥുൻ പ്രേക്ഷകർക്ക് പരിചിതനാണ്. തമിഴ്നാട്ടിലെ പച്ചൈമല, കൊല്ലിമല തുടങ്ങിയ മലയോര മേഖലകളുടെ പ്രകൃതിഭംഗിയിലാണ് ചിത്രീകരണം നടന്നത്. കാട്ടാനയുടെ സാന്നിധ്യവും വനത്തെ ആശ്രയിച്ച് ജീവിക്കുന്ന മനുഷ്യരുടെ അതിജീവനവുമാണ് ചിത്രം അവതരിപ്പിക്കുന്നത്. ഡിസംബർ 11ന് കേരളത്തിലും തമിഴ്നാട്ടിലും ഉൾപ്പെടെ ലോകമെമ്പാടുമുള്ള തിയേറ്ററുകളിൽ ‘അരികൊമ്പൻ’ റിലീസ് ചെയ്യും.
ഫഹദ് ഫാസിലിന്റെ ‘ഡോണ്ട് ട്രബിൾ ദി ട്രബിൾ’ നെറ്റ്ഫ്ലിക്സ് ട്രെൻഡിങ്ങിൽ രണ്ടാമത്

എസ്. എസ് രാജമൗലി അവതരിപ്പിച്ച ഫഹദ് ഫാസിൽ ചിത്രം ട്രബിൾ ദി ട്രബിൾ ഒടിടിയിലും മികച്ച പ്രതികരണം നേടുന്നു. തിയറ്ററുകളിലെ വിജയകരമായ പ്രദർശനത്തിന് പിന്നാലെ നെറ്റ്ഫ്ലിക്സിലെത്തിയ ചിത്രം ട്രെൻഡിങ് പട്ടികയിൽ രണ്ടാം സ്ഥാനത്തെത്തി. ഫഹദ് ഫാസിലിന്റെയും ബാലതാരം സാറയുടെയും മികച്ച പ്രകടനവും കാലഭൈരവയുടെ സംഗീതവുമാണ് ചിത്രത്തിന്റെ പ്രധാന ആകർഷണങ്ങൾ. ഒരു ഫാന്റസി ഫാമിലി എന്റർടെയ്നറായ ചിത്രം ബാഹുബലി ഉൾപ്പെടെയുള്ള ബ്രഹ്മാണ്ഡ സിനിമകളുടെ നിർമ്മാതാക്കളായ ആർക്ക മീഡിയ വർക്ക്സിന്റെ പങ്കാളിത്തത്തോടെയാണ് ഒരുക്കിയത്. കൂടാതെ പതിവ് അഭിനയശൈലിയിൽനിന്ന് വ്യത്യസ്തമായ കഥാപാത്രത്തെയാണ് ഫഹദ് ഫാസിൽ ചിത്രത്തിൽ അവതരിപ്പിക്കുന്നത്. മലയാളത്തിൽ ശ്രദ്ധേയമായ സിനിമകൾ പ്രേക്ഷകരിലെത്തിച്ച ഭാവന സ്റ്റുഡിയോസാണ് ചിത്രം കേരളത്തിൽ വിതരണം ചെയ്തത്. ചിത്രത്തിന്റെ ടീസറും ഗാനവും നേരത്തെ തന്നെ സോഷ്യൽ മീഡിയയിൽ ശ്രദ്ധ നേടിയിരുന്നു. ഫഹദ് ഫാസിലിനൊപ്പം ബാലതാരം സാറയുടെ പ്രകടനവും പ്രേക്ഷക പ്രശംസ നേടുന്നുണ്ട്. തിയറ്ററുകളിലെ സ്വീകാര്യതയ്ക്ക് പിന്നാലെ ഒടിടിയിലും ചിത്രം ട്രെൻഡിങ് പട്ടികയിൽ ഇടംപിടിച്ചത് അണിയറപ്രവർത്തകർക്ക് നേട്ടമായി.
ഗിരീഷ് എ.ഡിയുടെ കടുത്ത ആരാധിക; തുറന്നുപറഞ്ഞ് അനിഷ്മ

സംവിധായകൻ ഗിരീഷ് എ.ഡിയുടെ സിനിമകളുടെ വലിയ ആരാധികയാണ് താനെന്ന് നടി അനിഷ്മ. ‘പൂവൻ’ സിനിമയുടെ ഓഡിഷൻ സമയത്ത് ഗിരീഷ് എ.ഡിയോട് അടുത്ത ചിത്രത്തിൽ അവസരം ചോദിക്കാൻ ആഗ്രഹിച്ചിരുന്നെങ്കിലും ഭയം കാരണം അതിന് കഴിഞ്ഞില്ലെന്ന് താരം വെളിപ്പെടുത്തി. ‘പൂവൻ’ സിനിമയുടെ ഓഡിഷനിടെ ഗിരീഷ് എ.ഡിയെയും വിനീത് ശ്രീനിവാസനെയും നേരിൽ കണ്ടിരുന്നു. അന്ന് ഗിരീഷ് എ.ഡിയോട് അടുത്ത സിനിമയിൽ അവസരം നൽകണമെന്ന് പറയാൻ ആഗ്രഹിച്ചെങ്കിലും ധൈര്യം ലഭിച്ചില്ല. പിന്നീട് അദ്ദേഹത്തിന്റെ ‘കാതൽ ദി കോർ’ സിനിമയുടെ ഓഡിഷനിൽ പങ്കെടുത്ത് തിരഞ്ഞെടുക്കപ്പെടുകയായിരുന്നു. ഗിരീഷ് എ.ഡിയുടെ എല്ലാ സിനിമകളും തനിക്ക് ഏറെ ഇഷ്ടമാണെന്നും അനിഷ്മ പറഞ്ഞു. ഗിരീഷ് എ.ഡിയുടെ ഹ്യൂമർ സെൻസ് സിനിമകളിലും സെറ്റിലും ഒരുപോലെ മികച്ചതാണെന്നും താരം കൂട്ടിച്ചേർത്തു. സാധാരണ മനുഷ്യരുടെ അരക്ഷിതാവസ്ഥകളും ജീവിതത്തിലെ സ്വാഭാവികമായ സാഹചര്യങ്ങളുമെല്ലാം പ്രതിഫലിക്കുന്ന കഥാപാത്രങ്ങളാണ് അദ്ദേഹത്തിന്റെ സിനിമകളുടെ പ്രത്യേകത. അതുകൊണ്ടുതന്നെ പ്രേക്ഷകർക്ക് എളുപ്പത്തിൽ കഥാപാത്രങ്ങളുമായി ബന്ധപ്പെടാൻ കഴിയുമെന്നും അനിഷ്മ അഭിപ്രായപ്പെട്ടു.
800 കോടി പിന്നിട്ട് ‘ജയിലർ 2’1000 കോടി ക്ലബ്ബിലെത്തുമോ?

തമിഴ് സിനിമയ്ക്ക് ഏറെ നാളുകൾക്കുശേഷം വമ്പൻ വിജയം സമ്മാനിച്ചിരിക്കുകയാണ് രജനികാന്തിന്റെ ‘ജയിലർ 2’. റിലീസ് ചെയ്ത് ചുരുങ്ങിയ ദിവസങ്ങൾക്കുള്ളിൽ ചിത്രം ആഗോള ബോക്സ് ഓഫീസിൽ 800 കോടിയിലധികം രൂപ സ്വന്തമാക്കി. ഇതോടെ നിരവധി കളക്ഷൻ റെക്കോർഡുകളും രജിനികാന്തിന്റെ പേരിലായി. ‘ലിയോ’യുടെ റെക്കോർഡ് മറികടന്ന് ഇൻഡസ്ട്രി ഹിറ്റായ ചിത്രം വെറും ഏഴ് ദിവസം കൊണ്ടാണ് ആഗോളതലത്തിൽ 500 കോടി പിന്നിട്ടത്. ഇതോടെ തമിഴിൽ നിന്ന് 1000 കോടി ക്ലബ്ബിലെത്തുന്ന ആദ്യ ചിത്രമായി ‘ജയിലർ 2’ മാറുമെന്ന പ്രതീക്ഷയും ഉയർന്നിരുന്നു. എന്നാൽ ആയിരം കോടി എന്ന നേട്ടത്തിലേക്കുള്ള ചിത്രത്തിന്റെ യാത്ര പ്രതിസന്ധിയിലാണെന്നാണ് നിലവിലെ വിലയിരുത്തൽ. തമിഴ്നാട് ബോക്സ് ഓഫീസിലടക്കം കളക്ഷനിൽ വലിയ ഇടിവ് രേഖപ്പെടുത്തിയതോടെ ഈ നേട്ടം കൈവരിക്കാനുള്ള സാധ്യത കുറഞ്ഞിരിക്കുകയാണ്.
അഞ്ചാം പാതിര’യ്ക്ക് ശേഷം വീണ്ടും കുഞ്ചാക്കോ ബോബനൊപ്പം ആഷിഖ് ഉസ്മാൻ ഒന്നിക്കുന്നു

കുഞ്ചാക്കോ ബോബനെ നായകനാക്കി പുതിയ ചിത്രം പ്രഖ്യാപിച്ച് ആഷിഖ് ഉസ്മാൻ പ്രൊഡക്ഷൻസ്. വൻ വിജയമായ ‘അഞ്ചാം പാതിര’യ്ക്ക് ശേഷം കുഞ്ചാക്കോ ബോബനും ആഷിഖ് ഉസ്മാൻ പ്രൊഡക്ഷൻസും വീണ്ടും ഒന്നിക്കുന്നു എന്നതാണ് ചിത്രത്തിന്റെ പ്രധാന പ്രത്യേകത. ഇരുവരും കൈകോർക്കുന്ന അഞ്ചാമത്തെ ചിത്രം കൂടിയാണിത്. വ്യത്യസ്തമായ കഥാപാത്രങ്ങളിലൂടെ പ്രേക്ഷകരെ വിസ്മയിപ്പിക്കുന്ന കുഞ്ചാക്കോ ബോബന്റെ പുതിയ ചിത്രത്തിനായി ആരാധകരും പ്രതീക്ഷയോടെയാണ് കാത്തിരിക്കുന്നത്. ‘അഞ്ചാം പാതിര’ നൽകിയ മികച്ച വിജയത്തിന് പിന്നാലെ ഈ കൂട്ടുകെട്ട് വീണ്ടും എത്തുമ്പോൾ ചിത്രത്തെക്കുറിച്ചുള്ള ആകാംക്ഷയും വർധിക്കുകയാണ്. ജോർജ് ജേക്കബ് ആദ്യമായി സംവിധാനം ചെയ്യുന്ന ചിത്രത്തിന് വിവേക് അച്ചുവും അപർണ ദാസും ചേർന്നാണ് തിരക്കഥ ഒരുക്കുന്നത്. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രത്തിന്റെ പേരോ മറ്റ് താരങ്ങളുടെ വിവരങ്ങളോ പുറത്തുവിട്ടിട്ടില്ല. കൂടുതൽ പ്രഖ്യാപനങ്ങൾക്കായി കാത്തിരിക്കുകയാണ് സിനിമാപ്രേമികൾ.
ഡിസംബർ 11ന് വീണ്ടും തിയേറ്ററുകളിലേക്ക് ‘ജെന്റിൽമാൻ’റീ റിലീസ് പ്രഖ്യാപിച്ചു

തമിഴ് സിനിമയിലെ എക്കാലത്തെയും ഹിറ്റ് ചിത്രങ്ങളിലൊന്നായ ‘ജെന്റിൽമാൻ’ വീണ്ടും തിയേറ്ററുകളിലെത്തുന്നു. ഡിസംബർ 11ന് ആഗോളതലത്തിൽ ചിത്രം റീ റിലീസ് ചെയ്യുമെന്ന് നിർമാതാവ് കെ.ടി. കുഞ്ഞുമോൻ പ്രഖ്യാപിച്ചു. ഇതിന്റെ ഭാഗമായി പുതിയ പോസ്റ്ററും പുറത്തിറക്കിയിട്ടുണ്ട്. 1993ൽ പുറത്തിറങ്ങിയ ചിത്രം എസ്. ശങ്കറിന്റെ ആദ്യ സംവിധാന സംരംഭമായിരുന്നു. അർജുൻ നായകനായെത്തിയ സിനിമ മികച്ച ആക്ഷൻ രംഗങ്ങളും പ്രണയവും സാമൂഹിക പ്രമേയവും കൊണ്ട് അക്കാലത്ത് ബോക്സ് ഓഫീസിൽ വൻ വിജയം നേടി. എ.ആർ. റഹ്മാന്റെ സംഗീതവും ചിത്രത്തിന്റെ പ്രധാന ആകർഷണമായിരുന്നു. പഴയ തലമുറയ്ക്കും പുതിയ പ്രേക്ഷകർക്കും ഒരുപോലെ ആവേശം പകരുന്നതാണ് റീ റിലീസ്. 4K അൾട്രാ എച്ച്ഡി ദൃശ്യനിലവാരത്തിലും 7.1 സറൗണ്ട് സൗണ്ട് സംവിധാനത്തിലുമാണ് ചിത്രം വീണ്ടും തിയേറ്ററുകളിലെത്തുന്നത്.
നിവിൻ പോളിയുടെ സർപ്രൈസ് കോൾസന്തോഷം മറച്ചുവയ്ക്കാനാകാതെ സായ് പല്ലവി

നടി സായ് പല്ലവിക്ക് അപ്രതീക്ഷിതമായി ഫോൺ ചെയ്ത് നടൻ നിവിൻ പോളി. ഇരുവരുടേയും ഫോൺ സംഭാഷണവും സായ് പല്ലവിയുടെ പ്രതികരണവുമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ജഗപതി ബാബുവിന്റെ ടോക്ക് ഷോയിൽ അതിഥിയായി എത്തിയപ്പോഴായിരുന്നു രസകരമായ സംഭവം. നിവിൻ പോളിയുടെ പുതിയ ചിത്രമായ ‘ബത്ലഹേം കുടുംബ യൂണിറ്റ്’ കണ്ട അനുഭവം പങ്കുവെക്കുന്നതിനിടെയാണ് നിവിൻ നേരിട്ട് വിളിച്ചത്. രണ്ട് ദിവസം മുമ്പാണ് ചിത്രം കണ്ടതെന്നും അതേക്കുറിച്ച് സംസാരിക്കാൻ നിവിനെ വിളിക്കാനിരിക്കുകയായിരുന്നുവെന്നും സായ് പല്ലവി പറഞ്ഞു. ചിത്രത്തിലെ മമിത ബൈജുവിന്റെ പ്രകടനത്തെയും താരം പ്രശംസിച്ചു. ചിത്രം ബ്ലോക്ക്ബസ്റ്ററായതിൽ നിവിനെ അഭിനന്ദിച്ച സായ് പല്ലവി, സംവിധായകൻ അവതരിപ്പിച്ച കഥാപാത്രത്തിന്റെ അയ്യപ്പാ വിളികൾ തന്നെ ഏറെ ചിരിപ്പിച്ചെന്നും പറഞ്ഞു. അപ്രതീക്ഷിത ഫോൺ കോളിന് നന്ദി അറിയിച്ച താരം നിവിനോട് സംസാരിക്കാനായതിൽ സന്തോഷമുണ്ടെന്നും വ്യക്തമാക്കി.
മോഹൻലാൽ- തരുൺ മൂർത്തി ചിത്രം ‘അതിമനോഹരം’ആദ്യഗാനം പുറത്തിറങ്ങി

പ്രേക്ഷകർ ഏറെ പ്രതീക്ഷയോടെ കാത്തിരുന്ന മോഹൻലാൽ – തരുൺ മൂർത്തി ചിത്രം ‘അതിമനോഹര’ത്തിലെ ആദ്യഗാനം പുറത്തിറങ്ങി. സുന്ദര രാവണൻ എന്ന ലിറിക്കൽ ഗാനമാണ് അണിയറപ്രവർത്തകർ പുറത്തുവിട്ടത്. എം. ജി ശ്രീകുമാറിന്റെ ആലാപനത്തിൽ ജേക്സ് ബിജോയ് സംഗീതം നൽകിയ ഗാനം ഇതിനോടകം ശ്രദ്ധ നേടുകയാണ്. മോഹൻലാലിന്റെ നർമ്മരംഗങ്ങളും ഗാനത്തിന്റെ പ്രധാന ആകർഷണമാണ്. ‘തുടരും’ എന്ന വിജയചിത്രത്തിന് ശേഷം മോഹൻലാലും തരുൺമൂർത്തിയും വീണ്ടും ഒന്നിക്കുന്ന സിനിമയാണിത്. രതീഷ് രവിയാണ് ചിത്രത്തിന് തിരകഥ ഒരുക്കുന്നത്. നേരത്തെ L365 എന്ന പേരിൽ പ്രഖ്യാപിച്ചിരുന്ന ചിത്രം ഓസ്റ്റിൻ ഡാൻ തോമസായിരുന്നു സംവിധാനം ചെയ്യാനിരുന്നത്. എന്നാൽ പിന്നീട് ഓസ്റ്റിൻ ചിത്രത്തിൽ നിന്ന് പിന്മാറുകയും തരുൺ മൂർത്തിയുടെ സംവിധാനത്തിൽ L365 പ്രഖ്യപിക്കുകയുമായിരുന്നു. ചിത്രത്തിന്റെ കൂടുതൽ വിശേഷങ്ങൾക്കായുള്ള കാത്തിരിപ്പിലാണ് ആരാധകർ.
രണ്ടാം വിവാഹത്തിനൊരുങ്ങി റിമി ടോമിസന്തോഷവാർത്ത പങ്കുവച്ച് താരം

രണ്ടാം വിവാഹത്തിനൊരുങ്ങുകയാണെന്ന സന്തോഷവാർത്ത പങ്കുവച്ച് ഗായിക റിമി ടോമി. 2026ൽ തന്റെ ജീവിതത്തിലേക്ക് ഒരാൾ കടന്നുവന്നുവെന്നും അദ്ദേഹത്തെക്കുറിച്ചുള്ള കൂടുതൽ വിവരങ്ങൾ ഉടൻ പങ്കുവയ്ക്കുമെന്നും താരം താരം യൂട്യൂബ് ചാനലിലൂടെ അറിയിച്ചു. വരൻ അഭിനേതാവോ ഗായകനോ പ്രശസ്ത വ്യക്തിയോ കോടീശ്വരനോ അല്ലെന്നും റിമി വ്യക്തമാക്കി. പുതിയ വ്യക്തിയുമായുള്ള ബന്ധം തനിക്ക് വലിയ മനസമാധാനം നൽകുന്നുണ്ടെന്നും പരസ്പരം മനസിലാക്കിയ ശേഷമാണ് വിവാഹതീരുമാനത്തിലേക്ക് എത്തിയതെന്നും താരം പറഞ്ഞു. ജീവിതത്തിൽ ഒരു പങ്കാളിയുടെ അഭാവം എപ്പോഴും തോന്നിയിരുന്നുവെന്നും നല്ലൊരു ജീവിതം ലഭിക്കുമെന്ന് ഉറപ്പായതോടെയാണ് പുതിയ തീരുമാനമെടുത്തതെന്നും റിമി കൂട്ടിച്ചേർത്തു. വിവാഹവുമായി ബന്ധപ്പെട്ട കൂടുതൽ വിവരങ്ങൾ ഉടൻ പങ്കുവയ്ക്കുമെന്നും ആരാധകരുടെ പ്രാർത്ഥനയും പിന്തുണയും അനുഗ്രഹവും വേണമെന്നും താരം അഭ്യർഥിച്ചു.
വിതാഭായിയായി ശ്രദ്ധ കപൂർ‘ഈഠ’ ട്രെയിലർ പുറത്ത്

ശ്രദ്ധ കപൂർ പ്രധാന വേഷത്തിലെത്തുന്ന ബോളിവുഡ് ചിത്രം ‘ഈഠ’യുടെ ട്രെയിലർ പുറത്തിറങ്ങി. പ്രശസ്ത മറാഠി തമാശ, ലാവണി കലാകാരിയായ വിതാഭായ് നാരായണൻഗാവോങ്കറിന്റെ ജീവിതത്തെ ആസ്പദമാക്കിയാണ് ചിത്രം ഒരുക്കുന്നത്. 1950 മുതൽ 1980 വരെയുള്ള വിതാഭായിയുടെ ജീവിതമാണ് ലക്ഷ്മൺ ഉതേകർ സംവിധാനം ചെയ്യുന്ന സിനിമയുടെ പ്രമേയം. ‘സ്ത്രീ 2’വിന്റെ വിജയത്തിന് ശേഷം ശ്രദ്ധ കപൂർ എത്തുന്ന ശക്തമായ കഥാപാത്രമാണ് ചിത്രത്തിലേത്. മഹാരാഷ്ട്രയുടെ പരമ്പരാഗത കലാരൂപങ്ങളായ ലാവണിയിലും തമാശയിലും ശ്രദ്ധേയ സാന്നിധ്യമായിരുന്നു വിതാഭായ്. നൃത്തത്തിനും അഭിനയത്തിനും ഏറെ പ്രാധാന്യമുള്ള വേഷത്തിൽ ശ്രദ്ധ എത്തുമ്പോൾ രൺദീപ് ഹൂഡയും മൊഹമ്മദ് സീഷാനും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ‘സ്ത്രീ’ ഫ്രാഞ്ചൈസിക്ക് ശേഷം നിർമാതാവ് ദിനേശ് വിജനുമായി ശ്രദ്ധ വീണ്ടും ഒന്നിക്കുന്ന ചിത്രം കൂടിയാണിത്. ‘ഛാവ’യുടെ വിജയത്തിന് ശേഷം ലക്ഷ്മൺ ഉതേകർ സംവിധാനം ചെയ്യുന്ന ‘ഈഠ’ ഡിസംബർ 4ന് തിയറ്ററുകളിലെത്തും.