എഴുത്തിൽ നിന്നും സംവിധാനത്തിലേക്ക്; സുനീഷ് വാരനാടിന്റെ കന്നി ചിത്രം ‘ഹ്യൂപ്പു’ അനൗൺസ് ചെയ്തു!
ഇനി വെള്ളിത്തിരയിലെ സംവിധായകരുടെ നിരയിലേക്ക് ഒരു പൊൻതൂവൽ കൂടി..‘മോഹൻലാൽ’, ‘ഈശോ’, ‘പൊറാട്ട് നാടകം’ എന്നീ ചിത്രങ്ങളിലൂടെ സുപരിചിതനായ തിരക്കഥാകൃത്തും കേരള സാഹിത്യ അക്കാദമി അവാർഡ് ജേതാവുമായ സുനീഷ് വാരനാട് ആദ്യമായി സംവിധാന കുപ്പായമണിയുന്നു.രണ്ട് കുട്ടികളും ഒരു ദേശാടനപ്പക്ഷിയും തമ്മിലുള്ള വൈകാരികമായ ആത്മബന്ധത്തിന്റെ കഥയാണ് ചിത്രം പറയുന്നത്.തന്റെ സ്വപ്നപദ്ധതിയുടെ ടൈറ്റിൽ പോസ്റ്റർ സോഷ്യൽ മീഡിയയിലൂടെയാണ് സുനീഷ് പങ്കുവെച്ചത്.ചിത്രത്തിന്റെകൂടുതൽ വിവരങ്ങൾ വരും ദിവസങ്ങളിൽ പുറത്തുവിടുമെന്ന് അണിയറ പ്രവർത്തകർ അറിയിച്ചു.മലയാളത്തിന്റെ വലിയ ക്യാൻവാസിലേക്ക് പുതിയൊരു ക്രാഫ്റ്റുമായി എത്തുന്ന ‘ഹ്യൂപ്പു’വിനായുള്ള കാത്തിരിപ്പിലാണ് ആരാധകർ.
വിജയുടെ ‘ജന നായകൻ’ റിലീസ് തീയതി പുറത്ത്; ആവേശത്തിൽ ആരാധകർ…
ദളപതി വിജയ് അവസാന ചിത്രമായ ബിഗ് ബജറ്റ് ആക്ഷൻ ഡ്രാമ ‘ജന നായകൻ’ കാത്തിരിപ്പുകൾക്കൊടുവിൽ വെള്ളിത്തിരയിലേക്ക്. നിയമപോരാട്ടങ്ങളും സെൻസർ കടമ്പകളും പിന്നിട്ട് ചിത്രം മെയ് 8-ന് ആഗോളതലത്തിൽ റിലീസ് ചെയ്യുമെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. സെൻസർ ബോർഡുമായുള്ള തർക്കങ്ങൾ പരിഹരിച്ചതോടെ ചിത്രം അടുത്ത മാസം തിയേറ്ററുകളിൽ എത്തും.പൊങ്കൽ റിലീസ് മുടങ്ങിയിട്ടും 100 കോടിയിലധികം രൂപയുടെ അഡ്വാൻസ് ബുക്കിംഗ് നേടിയ ചിത്രം ബോക്സ് ഓഫീസിൽ പുതിയ ചരിത്രം കുറിക്കാനൊരുങ്ങുകയാണ്.വിജയ്യുടെ അവസാന ചിത്രമെന്ന പ്രത്യേകത കൂടി ഉള്ളതിനാൽ ആരാധകർ വൻ വരവേൽപ്പാണ് ഒരുക്കുന്നത്. അണിയറയിലെ വമ്പൻ നിരഎച്ച്. വിനോദ് സംവിധാനം ചെയ്യുന്ന ചിത്രത്തിൽ മുൻ പോലീസ് ഉദ്യോഗസ്ഥനായാണ് വിജയ് എത്തുന്നത്. പൂജ ഹെഗ്ഡെ നായികയാകുമ്പോൾ, സ്റ്റൈലിഷ് വില്ലനായി ബോബി ഡിയോളും സ്ക്രീനിലെത്തും. മമിത ബൈജു, പ്രകാശ് രാജ്, ഗൗതം വാസുദേവ് മേനോൻ തുടങ്ങിയ താരനിരയും ചിത്രത്തിലുണ്ട്.തമിഴ്നാട് തിരഞ്ഞെടുപ്പ് ഫലത്തിന് പിന്നാലെ എത്തുന്ന ഈ ചിത്രം തിയേറ്ററുകളിൽ തരംഗമാകുമെന്ന പ്രതീക്ഷയിലാണ് അണിയറ പ്രവർത്തകർ.
‘പേട്രിയറ്റ്’ ബോക്സ് ഓഫീസിൽ ചരിത്രം കുറിക്കുമോ
എട്ടു വർഷത്തെ നീണ്ട കാത്തിരിപ്പിന് വിരാമം. മലയാള സിനിമയുടെ രണ്ട് ഇതിഹാസങ്ങൾ,മോഹൻലാലും മമ്മൂട്ടിയും, വീണ്ടും വെള്ളിത്തിരയിൽ മുഖാമുഖം വരുന്നു. മഹേഷ് നാരായണൻ സംവിധാനം ചെയ്യുന്ന പേട്രിയറ്റ്’മെയ് 1-ന് തിയറ്ററുകളിൽ എത്തുമ്പോൾ ആരാധകർക്കും സിനിമാ ലോകത്തിനും ഒരേയൊരു ചോദ്യമേയുള്ളൂ: എമ്പുരാന്റെ റെക്കോർഡ് തകരുമോ?കേവലം രണ്ട് സൂപ്പർതാരങ്ങൾ മാത്രമല്ല, ഒരു വൻ താരനിര തന്നെ ഈ ചിത്രത്തിനായി അണിനിരക്കുന്നുണ്ട്:ഫഹദ് ഫാസിൽ, കുഞ്ചാക്കോ ബോബൻ,നയൻതാര എന്നിങ്ങനെ വമ്പൻ താരനിര ഒരുങ്ങുന്നുണ്ട്. ചിത്രത്തിന് വേണ്ടത്ര ഹൈപ്പ് ഇല്ലെന്ന് സോഷ്യൽ മീഡിയയിൽ വിമർശിച്ചവർക്കുള്ള മറുപടിയായി അഡ്വാൻസ് ബുക്കിംഗ് കണക്കുകൾ പുറത്തുവന്നിട്ടുണ്ടായിരുന്നു. ടിക്കറ്റ് ബുക്കിംഗ് പ്ലാറ്റ്ഫോമായ ബുക്ക് മൈ ഷോ വഴി ലഭിക്കുന്ന റിപ്പോർട്ടുകൾ പ്രകാരംബുക്കിംഗ് ആരംഭിച്ച് വെറും 10 മിനിറ്റിനുള്ളിൽ 10,000 ടിക്കറ്റുകൾ വിറ്റുപോയി.നിലവിൽ ഓരോ മണിക്കൂറിലും 12,000-ത്തിലധികം ടിക്കറ്റുകളാണ് വിറ്റഴിക്കപ്പെടുന്നത്.കേരള ബോക്സ് ഓഫീസ് വെറും 42 മിനിറ്റ് കൊണ്ട് കേരളത്തിൽ നിന്ന് മാത്രം 50 ലക്ഷം രൂപയുടെ ബിസിനസ് ചിത്രം പിന്നിട്ടു. ആദ്യ 45 മിനിറ്റിൽ ഇത് 55.68 ലക്ഷമായിഉയർന്നു.ഗ്ലോബൽ കണക്കുകൾ പ്രമുഖ ട്രാക്കർ ജെറിൻ ജോർജുകുട്ടിയുടെ റിപ്പോർട്ട് പ്രകാരം, ആഗോളതലത്തിൽ ഇതുവരെ 3.50 കോടി രൂപ ചിത്രം അഡ്വാൻസ് ബുക്കിംഗിലൂടെ സ്വന്തമാക്കി കഴിഞ്ഞു.കേരളത്തിലെ എക്കാലത്തെയും വലിയ ഓപ്പണിംഗ് റെക്കോർഡ് എന്ന കടമ്പയാണ് ഇനി പേട്രിയറ്റിന് മുന്നിലുള്ളത്. നിലവിൽ ഈ പട്ടികയിലെ മുൻനിരക്കാർ എമ്പുരാൻ ₹14.07 കോടി, ലിയോ ₹12.00 കോടിയാണ്.റിലീസിന് മുൻപുള്ള ഈ കുതിപ്പ് തുടരുകയാണെങ്കിൽ, മലയാള സിനിമാ ചരിത്രത്തിലെ ഏറ്റവും വലിയ ഓപ്പണിംഗ് എന്ന റെക്കോർഡ് ലാലേട്ടൻ-മമ്മൂട്ടി കൂട്ടുകെട്ട് തിരിച്ചുപിടിക്കുമോ എന്ന് കാണാനുള്ള കാത്തിരിപ്പിലാണ് സിനിമാ ലോകം. മെയ് 1-ന് ചിത്രം തിയറ്ററുകളിൽ എത്തുമ്പോൾ ബോക്സ് ഓഫീസ് പ്രകമ്പനം കൊള്ളുമെന്ന് ഉറപ്പാണ്!
ത്രില്ലർ പ്രേമികൾക്ക് ഇനി മെയ് എട്ടിനായി കാത്തിരിക്കാം; ഷെയ്ൻ നിഗത്തിന്റെ ‘ദൃഢം’ എത്തുന്നു
ഷെയ്ൻ നിഗം കേന്ദ്ര കഥാപാത്രമായി എത്തുന്ന ഏറ്റവും പുതിയ ഇൻവെസ്റ്റിഗേറ്റീവ് ക്രൈം ത്രില്ലർ ‘ദൃഢം’ മെയ് എട്ടിന് തിയേറ്ററുകളിലേക്ക് എത്തുകയാണ്. നവാഗതനായ മാർട്ടിൻ ജോസഫ് രചനയും സംവിധാനവും നിർവഹിക്കുന്ന ഈ ചിത്രം ഏറെ ആവേശത്തോടെയാണ് സിനിമാ പ്രേമികൾ കാത്തിരിക്കുന്നത്. കുഴിനിലം എന്ന സ്റ്റേഷനിലേക്ക് എസ്.ഐ. വിജയ് രാധാകൃഷ്ണൻ എന്ന ഉദ്യോഗസ്ഥൻ എത്തുന്നതും, തുടർന്ന് അവിടെ അരങ്ങേറുന്ന സങ്കീർണ്ണമായ കേസുകളും വെല്ലുവിളികളുമാണ് സിനിമയുടെ കാതൽ. തന്റെ ജോലിയിൽ വലിയ ആത്മവിശ്വാസവും പ്രതീക്ഷയുമുള്ള വിജയ് എന്ന കഥാപാത്രം, അപ്രതീക്ഷിതമായ ചില സാഹചര്യങ്ങളിൽ പെട്ടുപോകുന്നതും അതിൽ നിന്നുള്ള മോചനവുമാണ് ചിത്രത്തെ ആകാംക്ഷാഭരിതമാക്കുന്നത്. പ്രശസ്ത സംവിധായകൻ ജിത്തു ജോസഫിന്റെ സഹായിയായി പ്രവർത്തിച്ചിട്ടുള്ള അനുഭവസമ്പത്തുമായാണ് മാർട്ടിൻ ജോസഫ് ഈ ചിത്രം ഒരുക്കുന്നത്. അതുകൊണ്ടുതന്നെ പ്ലോട്ടിലെ സസ്പെൻസിനും മിസ്റ്ററിക്കും വലിയ പ്രാധാന്യമുണ്ടാകുമെന്ന് ഉറപ്പാണ്. അടുത്തിടെ പുറത്തിറങ്ങിയ സിനിമയുടെ ടീസറും ട്രെയിലറും വലിയ രീതിയിൽ സോഷ്യൽ മീഡിയയിൽ തരംഗമായിരുന്നു. ഷെയ്ൻ നിഗത്തിന്റെ പ്രകടനം തന്നെയാണ് സിനിമയുടെ പ്രധാന ഹൈലൈറ്റ്. വേറിട്ട മേക്കിംഗ് സ്റ്റൈലും ശക്തമായ തിരക്കഥയും ദൃഢത്തെ ഈ വർഷത്തെ മികച്ച ത്രില്ലറുകളിൽ ഒന്നാക്കി മാറ്റുമെന്നാണ് പ്രതീക്ഷിക്കപ്പെടുന്നത്. മെയ് എട്ടിന് ചിത്രം ബിഗ് സ്ക്രീനിൽ എത്തുമ്പോൾ പ്രേക്ഷകർക്ക് ഒരു മികച്ച സിനിമാ അനുഭവം തന്നെ ലഭിക്കുമെന്ന് കരുതാം.
സോഷ്യൽ മീഡിയയിൽ സഞ്ജു ‘സിക്സർ’; ലാലേട്ടനെ മറികടന്ന് നാലാം സ്ഥാനത്തേക്ക്!
മൈതാനത്തെ തകർപ്പൻ പ്രകടനങ്ങളിലൂടെ ക്രിക്കറ്റ് ലോകത്തിന്റെ ഹൃദയം കവർന്ന സഞ്ജു സാംസൺ ഇപ്പോൾ ഡിജിറ്റൽ ലോകത്തും സമാനതകളില്ലാത്ത മുന്നേറ്റം കാഴ്ചവെക്കുകയാണ്. ഏറ്റവും പുതിയ റിപ്പോർട്ടുകൾ പ്രകാരം, പ്രമുഖ സോഷ്യൽ മീഡിയ പ്ലാറ്റ്ഫോമുകളായ ഇൻസ്റ്റാഗ്രാം, ഫേസ്ബുക്ക്, എക്സ് എന്നിവയിലെ ആകെ ഫോളോവേഴ്സിന്റെ എണ്ണത്തിൽ മലയാളത്തിന്റെ പ്രിയ താരം മോഹൻലാലിനെ മറികടന്ന് സഞ്ജു നാലാം സ്ഥാനത്തേക്ക് ഉയർന്നു. ഇൻസ്റ്റാഗ്രാമിൽ നേരത്തെ തന്നെ ഏറ്റവുമധികം ഫോളോവേഴ്സുള്ള മലയാളിയായി മാറിയ സഞ്ജു, ഇപ്പോൾ മറ്റ് പ്ലാറ്റ്ഫോമുകളിലെ കൂടി കണക്കുകൾ ചേർത്തുവെയ്ക്കുമ്പോഴാണ് ലാലേട്ടനെ പിന്തള്ളിക്കൊണ്ട് ഈ നേട്ടം സ്വന്തമാക്കിയത്. നിലവിൽ കീർത്തി സുരേഷ്, അനുപമ പരമേശ്വരൻ, ദുൽഖർ സൽമാൻ എന്നിവർ മാത്രമാണ് പട്ടികയിൽ സഞ്ജുവിന് മുന്നിലുള്ളത്. ഇന്ത്യൻ ടീമിനായി ടി20 ലോകകപ്പ് നേടിയതും ഐപിഎല്ലിൽ ചെന്നൈ സൂപ്പർ കിംഗ്സിനായി നടത്തിയ മിന്നും പ്രകടനങ്ങളുമാണ് ദേശീയതലത്തിൽ സഞ്ജുവിന്റെ സ്വീകാര്യത ഇത്രത്തോളം വർധിപ്പിച്ചത്. കേരളത്തിന് പുറത്തും സഞ്ജുവിന് ലഭിക്കുന്ന വലിയ പിന്തുണയാണ് സിനിമാ താരങ്ങളെപ്പോലും പിന്നിലാക്കി സോഷ്യൽ മീഡിയയിൽ ഇത്തരമൊരു കുതിപ്പ് നടത്താൻ സഹായിച്ചത്.
ഇതാണ് മലയാളത്തിന്റെ പവർആഗോള വൈറൽ ലിസ്റ്റിൽ ഇടംപിടിച്ച് ‘അംശം’.
അക്സോമാനിയാക്കിന്റെ ‘അംശം’ എന്ന ഗാനം ഇപ്പോൾ സോഷ്യൽ മീഡിയയിലും സംഗീത ലോകത്തും വലിയ ചർച്ചയായിരിക്കുകയാണ്. ഗ്ലോബൽ വൈറൽ ചാർട്ടിൽ നാലാം സ്ഥാനത്ത് എത്തിയ ഈ ഗാനം മലയാള സംഗീതത്തിന് വിദേശ രാജ്യങ്ങളിൽ പോലും വലിയ സ്വീകാര്യത നേടിക്കൊടുത്തു. പാട്ട് റിലീസ് ചെയ്ത് വെറും മൂന്നാഴ്ച കൊണ്ട് 41 ലക്ഷത്തിലധികം ആളുകളാണ് ഇത് കണ്ടത്. ഇന്ത്യയിലെയും യുഎഇയിലെയും മ്യൂസിക് ചാർട്ടുകളിലും ഈ പാട്ട് ഇപ്പോൾ മുൻനിരയിലുണ്ട്. മലയാളത്തിലെ പ്രിയപ്പെട്ട സിനിമയായ ‘ഞാൻ ഗന്ധർവൻ’ നൽകിയ ഇൻസ്പിരേഷൻ ഈ പാട്ടിലുണ്ടെന്ന് ഇതിന്റെ അണിയറ പ്രവർത്തകർ പറയുന്നു. അക്സോമാനിയാക്, ഭൂമി, എം.എച്ച്.ആർ എന്നിവർ ചേർന്നാണ് ഈ മനോഹരമായ ഗാനം ഒരുക്കിയത്. പ്രണയവും വിരഹവും ഒക്കെ വളരെ വ്യത്യസ്തമായ രീതിയിൽ അവതരിപ്പിച്ചത് കൊണ്ടാണ് ഭാഷ അറിയാത്തവർ പോലും ഈ പാട്ട് ഇത്രയധികം ഏറ്റെടുത്തത്. വലിയ സിനിമാ പശ്ചാത്തലമില്ലാതെ പുറത്തിറങ്ങുന്ന സ്വതന്ത്ര സംഗീതത്തിന് ലോകം മുഴുവൻ ആരാധകരെ കണ്ടെത്താൻ കഴിയുമെന്ന് ‘അംശം’ തെളിയിച്ചിരിക്കുകയാണ്
കുഞ്ചാക്കോ ബോബന്റെ ‘ഉന്മാദം’ ഫസ്റ്റ് ലുക്ക് പുറത്ത്!
ആരാധകര് ഏറെ ആകാംക്ഷയോടെ കാത്തിരിക്കുന്ന പനോരമ സ്റ്റുഡിയോസിന്റെ മലയാളത്തിലെ മൂന്നാം നിര്മ്മാണ സംരംഭത്തിന്റെ ടൈറ്റില് പ്രഖ്യാപിച്ചു. ‘ഉന്മാദം’ എന്ന് പേരിട്ടിരിക്കുന്ന ചിത്രത്തില് കുഞ്ചാക്കോ ബോബനും ലിജോമോള് ജോസുമാണ് പ്രധാന കഥാപാത്രങ്ങളെ അവതരിപ്പിക്കുന്ന ചിത്രം ഓഗസ്റ്റ് 7-ന് തീയേറ്ററുകളില് എത്തും. കുടുംബജീവിതത്തിലെ പ്രതിസന്ധികളിലൂടെ കടന്നുപോകുന്ന ചിത്രത്തില് ഒരു പോലീസ് കോണ്സ്റ്റബിള്, കാലങ്ങളായി തെളിയിക്കപ്പെടാത്ത ഒരു കേസ് പുനരന്വേഷിക്കുന്നതാണ് സിനിമയുടെ പശ്ചാത്തലം.സംഘര്ഷവും സസ്പെന്സും സംയോജിപ്പിച്ച്, അന്വേഷണ പശ്ചാത്തലത്തി ഒരുക്കിയിരിക്കുന്ന ചിത്രം ഒരു സസ്പെന്സ് ത്രിലറായിരിക്കും എന്നാണ് അണിയറ പ്രവര്ത്തകര് പങ്കുവെക്കുന്നത്. ഷാഹി കബീറാണ് ചിത്രത്തിന് തിരക്കഥ ഒരുക്കിയിരിക്കുന്നത്. ‘ഓഫീസര് ഓണ് ഡ്യൂട്ടി’ക്ക് ശേഷം കുഞ്ചാക്കോ ബോബനും ഷാഹി കബീറും വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. സിദ്ദിഖ്, സുധീഷ്, വിശാഖ് നായര്, സാബു മോന്, കോട്ടയം നസീര്, ഗോകുലന്, അരുണ് ചെറുകാവില്, ഉണ്ണി ലാലു, ഷാജു ശ്രീധര്, കൃഷ്ണപ്രഭ, കിരണ് പീതാംബരന്, വിഷ്ണു, റെയ്ന രാധാകൃഷ്ണന്, സിജോയ് വര്ഗീസ്, വിസ്നേശ്വര് സുരേഷ് തുടങ്ങിയ വന് താരനിര തന്നെ ചിത്രത്തില് അണിനിരക്കുന്നു. ‘എന്താണ് യഥാര്ഥ്യം, എന്താണ് മിഥ്യ എന്ന് പ്രേക്ഷകരെ നിരന്തരം ചോദ്യം ചെയ്യുന്ന ഒരു അനുഭവം സൃഷ്ടിക്കാന് ഉന്മാദത്തിലൂടെ ഞങ്ങള് ആഗ്രഹിച്ചു. പ്രേക്ഷകരില് പിരിമുറുക്കം സൃഷ്ടിക്കുന്ന ഒരു സിനിമയാണിത്’, പനോരമ സ്റ്റുഡിയോസ് ചെയര്മാന് കുമാര് മംഗത് പഥക് പറഞ്ഞു. കിരണ് ദാസ്, ഗുല്ഷന് കുമാര്, ഭൂഷണ് കുമാര്, ടി-സീരീസ് ഫിലിംസ്, പനോരമ സ്റ്റുഡിയോസ് എന്നിവര് ചേര്ന്ന് അവതരിപ്പിക്കുന്ന ‘ഉന്മാദം’ നിര്മ്മാണം നിര്വ്വഹിക്കുന്നത് കുമാര് മംഗത് പഥക്, അഭിഷേക് പഥക് എന്നിവര് ചേര്ന്നാണ്. റാം മിര്ച്ചന്ദാനി, രാജേഷ് മേനോന് എന്നിവര് സഹനിര്മ്മാതാക്കളും അഭിനവ് മെഹ്റോത്ര ക്രിയേറ്റീവ് പ്രൊഡ്യൂസറുമാണ്. ഛായാഗ്രഹണം: അര്ജുന് സേത്ത്, എഡിറ്റര്: കിരണ് ദാസ്, സംഗീതം: മുജീബ് മജീദ്, പ്രൊഡക്ഷന് ഡിസൈനര്: ദിലീപ് നാഥ്, വസ്ത്രാലങ്കാരം: ഗായത്രി കിഷോര്, മേക്കപ്പ്: റോണക്സ് സേവ്യര്, സൗണ്ട് ഡിസൈന്: ജിതിന് ജോസഫ്, വിഎഫ്എക്സ്: എഗ്ഗ് വൈറ്റ് വിഎഫ്എക്സ്, പ്രൊഡക്ഷന് കണ്ട്രോളര്: ഷബീര് മലവട്ടത്ത്, എക്സിക്യൂട്ടീവ് പ്രൊഡ്യൂസര്: വിനോദ് രാഘവന്, അസോസിയേറ്റ് പ്രൊഡ്യൂസര്: കമലേഷ് കുമാര്, സ്റ്റില്സ്: നന്ദു ഗോപാലകൃഷ്ണന്, പബ്ലിസിറ്റി ഡിസൈന്സ്: ഓള്ഡ്മോങ്ക്സ്. പിആര്ഒ: ആതിര ദില്ജിത്ത്.
‘ആറി’ന് ശേഷം ഇതാദ്യമായി; സൂര്യയും തൃഷയും ഒന്നിക്കുന്ന കറുപ്പ്’ വരുന്നു; ആകാംക്ഷയിൽ ആരാധകർ
തെന്നിന്ത്യൻ സിനിമാ പ്രേമികൾ ഒന്നടങ്കം ആവേശത്തോടെ കാത്തിരിക്കുന്ന വാർത്ത പുറത്ത്. നീണ്ട 20 വർഷത്തെ ഇടവേളയ്ക്ക് ശേഷം തമിഴ് സിനിമയിലെ എക്കാലത്തെയും പ്രിയപ്പെട്ട ജോഡികളായ സൂര്യയും തൃഷയും വീണ്ടും ഒന്നിക്കുന്ന ചിത്രം ‘കറുപ്പ്’ റിലീസിന് തയ്യാറെടുക്കുന്നു. ആർ.ജെ. ബാലാജി സംവിധാനം ചെയ്യുന്ന ഈ ചിത്രം മെയ് 14-ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിന് എത്തും. 2005-ൽ റിലീസ് ചെയ്ത ‘ആറ്’ എന്ന സൂപ്പർഹിറ്റ് സിനിമയ്ക്ക് ശേഷം ഇതാദ്യമായാണ് ഇരുവരും ഒരു സിനിമയ്ക്കായി കൈകോർക്കുന്നത്. ഒരു പൂർണ്ണ മാസ് എന്റർടൈനറായി ഒരുങ്ങുന്ന ‘കറുപ്പ്’, പ്രേക്ഷകർക്ക് വലിയൊരു ആഘോഷാനുഭവം നൽകുമെന്നാണ് അണിയറ പ്രവർത്തകർ നൽകുന്ന സൂചന. സൂര്യയുടെയും തൃഷയുടെയും ഇതുവരെ കാണാത്ത തരത്തിലുള്ള വ്യത്യസ്തമായ മേക്കോവറാണ് ചിത്രത്തിന്റെ പ്രധാന ആകർഷണം. സാങ്കേതിക തികവിനായി പോസ്റ്റ്-പ്രൊഡക്ഷൻ ജോലികൾക്ക് കൂടുതൽ സമയം ചെലവഴിച്ചതിനാൽ റിലീസ് തീയതി പലതവണ മാറ്റിവെച്ചിരുന്നു. എന്നാൽ മെയ് മാസത്തിൽ ചിത്രം എത്തുന്നതോടെ ഈ വേനൽക്കാലത്തെ ഏറ്റവും വലിയ റിലീസുകളിൽ ഒന്നായി ‘കറുപ്പ്’ മാറുമെന്ന് ഉറപ്പായിരിക്കുകയാണ്. മലയാളികളുടെ പ്രിയതാരം ഇന്ദ്രൻസ്, സ്വാസിക, ശിവദ തുടങ്ങിയവർ അണിനിരക്കുന്ന വലിയൊരു താരനിരയും ചിത്രത്തിന്റെ പ്രത്യേകതയാണ്. സായ് അഭ്യങ്കറിന്റെ സംഗീതവും ചിത്രത്തിന് കൂടുതൽ മാറ്റ് കൂട്ടുന്നു.
നാഷണൽ ക്രഷ് ഇനി ആക്ഷൻ ലുക്കിൽ; രശ്മികയുടെ ‘മൈസ’ ചിത്രീകരണം കേരളത്തിൽ
സൗത്ത് ഇൻഡ്യൻ സിനിമാലോകം ഏറെ പ്രതീക്ഷയോടെ കാത്തിരിക്കുന്ന രശ്മിക മന്ദാനയുടെ പുതിയ പാൻ-ഇന്ത്യൻ ചിത്രമാണ് ‘മൈസ’. രവീന്ദ്ര പുല്ലെ സംവിധാനം ചെയ്യുന്ന ഈ ചിത്രത്തിന്റെ നിർണ്ണായകമായ ആക്ഷൻ രംഗങ്ങളുടെ ചിത്രീകരണം ഇപ്പോൾ കേരളത്തിൽ പുരോഗമിക്കുകയാണ്. തികച്ചും വ്യത്യസ്തവും കരുത്തുറ്റതുമായ ഒരു കഥാപാത്രത്തെയാണ് രശ്മിക ഈ ചിത്രത്തിൽ അവതരിപ്പിക്കുന്നത്. തന്റെ കരിയറിലെ ഏറ്റവും വെല്ലുവിളി നിറഞ്ഞ ഈ വേഷത്തിനായി താരം ബാങ്കോക്കിൽ വെച്ച് കഠിനമായ മാർഷ്യൽ ആർട്സ് പരിശീലനം പൂർത്തിയാക്കിയിരുന്നു. ഗുരു സോമസുന്ദരം, ഈശ്വരി റാവു എന്നിവർ പ്രധാന വേഷങ്ങളിൽ എത്തുന്ന ചിത്രത്തിന് ജേക്സ് ബിജോയ് ആണ് സംഗീതം നൽകുന്നത്. ശാരീരികക്ഷമതയ്ക്കും ആക്ഷനും മുൻതൂക്കം നൽകുന്ന ഈ ചിത്രം രശ്മികയുടെ അഭിനയ ജീവിതത്തിലെ പുതിയൊരു നാഴികക്കല്ലാകുമെന്നാണ് വിലയിരുത്തപ്പെടുന്നത്.
എങ്ങും ‘മൈക്കിള്’ തരംഗം; ആദ്യദിനം റെക്കോര്ഡ് മുന്നേറ്റം…
പോപ്പ് ഇതിഹാസം മൈക്കിള് ജാക്സന്റെ ജീവിതകഥയായ ‘മൈക്കിളിന്’ ആഗോള ബോക്സ് ഓഫീസില് വന് വരവേല്പ്പ്. ചിത്രം വടക്കേ അമേരിക്കയില് ആദ്യദിനം 39.5 ദശലക്ഷം ഡോളര് (ഏകദേശം 330 കോടിയിലധികം രൂപ) നേടിയാണ് റെക്കോര്ഡ് ഇട്ടത്. ഇന്ത്യയിലും ചിത്രം മികച്ച പ്രതികരണം നേടി മുന്നേറുകയാണ്. അന്റോയിന് ഫുക്വ സംവിധാനം ചെയ്ത ഈ ചിത്രം ലയണ്സ്ഗേറ്റ് ആണ് നിര്മിച്ചത്. ഇന്ത്യയില് മൂവായിരത്തിലധികം സ്ക്രീനുകളിലാണ് ചിത്രം പ്രദര്ശിപ്പിക്കുന്നത്. ആദ്യ രണ്ട് ദിവസം കൊണ്ട് 10.30 കോടി രൂപ നേടിയ ചിത്രത്തിന് രണ്ടാം ദിവസം കലക്ഷനില് വലിയ വര്ധനവാണ് ഉണ്ടായത്. അമേരിക്കയില് പ്രിവ്യൂ ഷോകളില് നിന്ന് മാത്രം 12.6 ദശലക്ഷം ഡോളര് നേടിയ ചിത്രം, ആദ്യ വാരാന്ത്യം പിന്നിടുമ്പോള് ആഭ്യന്തര വിപണിയില് 90 മുതല് 100 ദശലക്ഷം ഡോളര് വരെ നേടുമെന്ന റിപ്പോര്ട്ടുകളാണ് പുറത്തു വരുന്നത്. ചിത്രത്തില് നായകനായി അഭിനയിക്കുന്നത് മൈക്കിള് ജാക്സന്റെ സഹോദരപുത്രനായ ജാഫര് ജാക്സനാണ്. ഏറെ പ്രശംസ നേടി ആ കഥാപാത്രത്തെ ആരാധകര് നെഞ്ചിലേറ്റുമ്പോഴും മൈക്കിള് ജാക്സന്റെ ജീവിതത്തിലുണ്ടായ വംശീയമായ പ്രശ്നങ്ങളും വെല്ലുവിളികളും സിനിമയില് വേണ്ട രീതിയില് പ്രതിപാദിക്കാന് സാധിച്ചില്ലെന്ന വിമര്ശനവും ഉയരുന്നുണ്ട്.