കാത്തിരിപ്പിന് വിരാമം! ‘ധ്രുവനക്ഷത്രം’ റിലീസിലേക്ക്…
വര്ഷങ്ങള് നീണ്ട അനിശ്ചിതത്വങ്ങള്ക്കും നിയമപോരാട്ടങ്ങള്ക്കും ഒടുവില് ചിയാന് വിക്രം-ഗൗതം മേനോന് ചിത്രം ‘ധ്രുവനക്ഷത്രം’ വെള്ളിത്തിരയിലേക്ക്. ചിത്രത്തിന്റെ റിലീസുമായി ബന്ധപ്പെട്ട കേസില് മദ്രാസ് ഹൈക്കോടതി വാദം പൂര്ത്തിയാക്കി. ആരാധകര് ആകാംക്ഷയോടെ കാത്തിരിക്കുന്ന വിധി ഏപ്രില് 24-ന് പുറപ്പെടുവിക്കും. 2017-ല് ചിത്രീകരണം ആരംഭിച്ച ഈ ചിത്രം സാമ്പത്തിക പ്രതിസന്ധികളും കോവിഡ് പ്രതിസന്ധിയും കാരണം നീണ്ടുപോവുകയായിരുന്നു.കുടിശ്ശിക തീര്ക്കാതെ സിനിമ റിലീസ് ചെയ്യരുതെന്ന് ആവശ്യപ്പെട്ട് 2023-ല് കെ. പുണ്യമൂര്ത്തി, കെ. പ്രേംകുമാര് എന്നിവര് കോടതിയെ സമീപിച്ചു.പലതവണ റിലീസ് പ്രഖ്യാപിച്ചെങ്കിലും സാങ്കേതിക കാരണങ്ങളാല് മാറ്റിവെക്കേണ്ടി വന്നു. എന്നാല് ഇപ്പോള് കോടതി നടപടികള് അവസാന ഘട്ടത്തിലെത്തിയത് ആരാധകര്ക്ക് വലിയ ആശ്വാസമാണ് നല്കുന്നത്. വിക്രം ജോണ് ഹീറോ ആയെത്തുന്ന ചിത്രത്തിൽ വിനായകനാണ് വില്ലന് വേഷത്തിലെത്തുന്നത്.ഋതു വര്മ്മയാണ് നായിക. ഐശ്വര്യ രാജേഷ് പ്രധാന വേഷം സിമ്രാന്, രാധിക സപ്പോര്ട്ടിംഗ് കാസ്റ്റ്സ്റ്റൈലിഷ് മേക്കിംഗും ഹാരിസ് ജയരാജിന്റെ സംഗീതവും ചിയാന്റെ മാസ്സും ഒന്നിക്കുമ്പോള് ധ്രുവനക്ഷത്രം തിയേറ്ററുകളില് തീപ്പൊരിയാകുമെന്ന് ഉറപ്പ്.24-ാം തീയതിയിലെ കോടതി ഉത്തരവ് അനുകൂലമായാല് ഉടന് തന്നെ ചിത്രത്തിന്റെ പുതിയ റിലീസ് തീയതി ഔദ്യോഗികമായി പ്രഖ്യാപിക്കും.
നായകനാവാൻ ദിലീപിന്റെ നീക്കം, ഫസ്റ്റ്ലുക്ക് പുറത്ത്!
ജനപ്രിയ നായകൻ ദിലീപിൻ്റെ കരിയറിലെ 152-ാം ചിത്രം ‘D152’ടൈറ്റിൽ കൊണ്ടും ഫസ്റ്റ് ലുക്ക് കൊണ്ടും സോഷ്യൽ മീഡിയയിൽ ജനപ്രീതി നേടുകയാണ്.സംവിധായകൻ ഷാജി കൈലാസിൻ്റെ മകൻ ജഗൻ ഷാജി കൈലാസ് ആദ്യമായി സംവിധാനം ചെയ്യുന്ന ഈ ചിത്രത്തിന് ‘നീക്കം’ എന്നാണ് പേരിട്ടിരിക്കുന്നത്.ഉർവ്വശി തിയേറ്റേഴ്സും കാക്ക സ്റ്റോറീസും ചേർന്നാണ് ചിത്രം നിർമ്മിക്കുന്നത്. ജഗൻ ഷാജി കൈലാസിൻ്റെ സംവിധാന മികവിൽ ഒരുങ്ങുന്ന ചിത്രത്തിൽ പുത്തൻ ഗെറ്റപ്പിലാണ് ദിലീപ് എത്തുന്നത്. സിദ്ദിഖ്, കലാഭവൻ ഷാജോൺ, ബിനു പപ്പു, അശോകൻ, വീണ നന്ദകുമാർ തുടങ്ങി വൻ താരനിര തന്നെ ചിത്രത്തിലുണ്ട്.വിബിൻ ബാലചന്ദ്രൻ്റെ തിരക്കഥയിൽ അജയ് ഡേവിഡ് കാച്ചപ്പിള്ളി ക്യാമറയും,സംഗീതവും സാങ്കേതികതയുംമെലഡി കിംഗ് ദീപക് ദേവ് സംഗീതവും, മുജീബ് മജീദ് പശ്ചാത്തല സംഗീതവും നിർവ്വഹിക്കുന്നു. ചിത്രസംയോജനം;സൂരജ് ഇ.എസ്.,ഛായാഗ്രഹണം അജയ് ഡേവിഡ് കാച്ചപ്പിള്ളി, പ്രൊഡക്ഷൻ ഡിസൈൻ; സന്തോഷ് രാമൻ, മേയ്ക്കപ്പ്; റോണക്സ് സേവ്യർ, വസ്ത്രാലങ്കാരം; സമീറ സനീഷ്, ആർട്ട്; സുനിൽ ലാവണ്യ, പ്രൊഡക്ഷൻ കൺട്രോളർ; നോബിൾ ജേക്കബ് ഏറ്റുമാനൂർ, ആക്ഷൻ; മഹേഷ് മാത്യു, ചീഫ് അസോസിയേറ്റ് ഡയറക്ടർ; ശ്യാമന്തക് പ്രദീപ്, അസോസിയേറ്റ് ഡയറകർ; മുകേഷ് വിഷ്ണു, പബ്ലിസിറ്റി ഡിസൈൻസ്; യെല്ലോ ടൂത്ത്സ്. പി.ആർ.ഓ: പ്രതീഷ് ശേഖർ.
ആർസിബി കരുത്ത് തുടരുമോ, അതോ ഗുജറാത്ത് തിരിച്ചടിക്കുമോ
ഐപിഎൽ 2026-ലെ 34-ാം പോരാട്ടത്തിന് ബാംഗ്ലൂരിലെ എം. ചിന്നസ്വാമി സ്റ്റേഡിയം ഒരുങ്ങിക്കഴിഞ്ഞു. പോയിന്റ് പട്ടികയിൽ ആധിപത്യം ഉറപ്പിക്കാൻ റോയൽ ചലഞ്ചേഴ്സ് ബംഗളൂരുവും, കനത്ത തോൽവിക്ക് ശേഷം വിജയവഴിയിൽ തിരിച്ചെത്താൻ ഗുജറാത്ത് ടൈറ്റൻസും നേർക്കുനേർ വരുമ്പോൾ ചിന്നസ്വാമിയിൽ ഒരു ‘ഹൈ-വോൾട്ടേജ്’ മത്സരം ആരാധകർക്ക് പ്രതീക്ഷിക്കാം. ചെറിയ ബൗണ്ടറികളും ഫ്ലാറ്റ് പിച്ചുമുള്ള ചിന്നസ്വാമി എന്നും ബാറ്റർമാരുടെ പറുദീസയാണ്. ഇവിടെ 200 റൺസ് എന്നത് ഒരു സുരക്ഷിത സ്കോറല്ല. രണ്ടാം ഇന്നിംഗ്സിൽ (Dew) വില്ലനാകാൻ സാധ്യതയുള്ളതിനാൽ, ടോസ് നേടുന്ന നായകൻ ബൗളിംഗ് തിരഞ്ഞെടുക്കാനായിരിക്കും താല്പര്യപ്പെടുക. അതിനാൽ തന്നെ ടോസ് നിർണായകമായ ഒരു ഘടകമായി മാറും. നിലവിലെ ചാമ്പ്യന്മാരായ ആർസിബി മികച്ച ഫോമിലാണ്. കളിച്ച ആറ് മത്സരങ്ങളിൽ നാലിലും ജയിച്ച അവർ ആത്മവിശ്വാസത്തിന്റെ കൊടുമുടിയിലാണ്.വിരാട് കോഹ്ലിയുടെ ക്ലാസിക് ബാറ്റിംഗും ഫിൽ സാൾട്ടിന്റെ വെടിക്കെട്ടും ടീമിന് മികച്ച തുടക്കം നൽകുന്നു. മധ്യനിരയിൽ ക്യാപ്റ്റൻ രജത് പണ്ഡിത ദാറും അവസാന ഓവറുകളിൽ ടിം ഡേവിഡും ചേരുന്നതോടെ ബാറ്റിംഗ് നിര അതിശക്തമാണ്.ഭുവനേശ്വർ കുമാറും ജോഷ് ഹേസൽവുഡും പNew ബോളിൽ വിക്കറ്റ് വീഴ്ത്താൻ മിടുക്കരാണെങ്കിലും, അവസാന ഓവറുകളിൽ (Death Overs) റൺസ് നിയന്ത്രിക്കാൻ പാടുപെടുന്നത് ടീമിന് ചെറിയൊരു ആശങ്കയാണ്.തിരിച്ചുവരവിനായി ടൈറ്റൻസ്മറുവശത്ത് ഗുജറാത്ത് ടൈറ്റൻസിന് ഈ മത്സരം അതിനിർണ്ണായകമാണ്. മുംബൈക്കെതിരായ മത്സരത്തിൽ വെറും 100 റൺസിന് പുറത്തായതിന്റെ ആഘാതത്തിൽ നിന്നു കരകയറാനാണ് അവർ ശ്രമിക്കുന്നത്.ശുഭ്മാൻ ഗിൽ, ജോസ് ബട്ട്ലർ, സായ് സുദർശൻ എന്നിവരടങ്ങുന്ന ടോപ്പ് ഓർഡർ ഫോമിലായാൽ ഏത് വലിയ സ്കോറും അവർക്ക് മറികടക്കാനാകും.റാഷിദ് ഖാൻ നയിക്കുന്ന ബൗളിംഗ് നിരയിൽ കാഗിസോ റബാഡയും മുഹമ്മദ് സിറാജും ചേരുന്നത് ആർസിബി ബാറ്റിംഗ് നിരയ്ക്ക് വലിയ വെല്ലുവിളിയാകും.തുല്യശക്തികളുടെ പോരാട്ടംഇരുടീമുകളും ഇതുവരെ ഏറ്റുമുട്ടിയപ്പോൾ 3-3 എന്ന നിലയിൽ പോരാട്ടം തുല്യമാണ്. അതുകൊണ്ട് തന്നെ ഇന്നത്തെ മത്സരം ഈ പോരാട്ടത്തിലെ ഒരു ‘ടൈ-ബ്രേക്കർ’ കൂടിയാണ്. ഹോം ഗ്രൗണ്ടിന്റെ പിന്തുണയും നിലവിലെ ഫോമും ആർസിബിക്ക് നേരിയ മുൻതൂക്കം നൽകുന്നുണ്ടെങ്കിലും, ഗുജറാത്തിന്റെ വമ്പൻ നിര ഏതു നിമിഷവും കളി മാറ്റാൻ ശേഷിയുള്ളവരാണ്.ചിന്നസ്വാമിയിലെ രാത്രിയിൽ റൺമഴ പെയ്യുമോ അതോ ബൗളർമാർ കളം നിറയുമോ? കാത്തിരുന്നു കാണാം!
മൈതാനത്തെ ‘കറുത്ത മുത്ത്’ ഇനി വെള്ളിത്തിരയിലേക്ക്..ഐ.എം. വിജയന്റെ ജീവിതകഥയുമായി ഒമര് ലുലു!
ഇന്ത്യന് ഫുട്ബോള് മൈതാനങ്ങളില് വിസ്മയങ്ങള് തീര്ത്ത ഐതിഹാസിക താരം ഐ.എം. വിജയന്റെ സംഭവബഹുലമായ ജീവിതം സിനിമയാകുന്നു. ‘ഹാപ്പി വെഡ്ഡിങ്’, ‘ഒരു അഡാര് ലവ്’ തുടങ്ങിയ ചിത്രങ്ങളിലൂടെ ശ്രദ്ധേയനായ ഒമര് ലുലു ആണ് ഈ ബിഗ് ബജറ്റ് ചിത്രം സംവിധാനം ചെയ്യുന്നത്. തൃശൂര് പൂരദിനമായ ഏപ്രില് 26-ന് സാംസ്കാരിക നഗരിയില് വെച്ച് ചിത്രത്തിന്റെ ഔദ്യോഗിക പ്രഖ്യാപനം നടക്കും.കന്നഡയിലെ പ്രമുഖ നിര്മ്മാതാക്കളായ കേശവ രാമചന്ദ്രപ്പ, കെ. മഞ്ജു, രാജശേഖര് എന്നിവര് ചേര്ന്നാണ് ചിത്രം ഒരുക്കുന്നത്. മലയാളത്തിന് പുറമെ കന്നഡയുള്പ്പെടെ വിവിധ ഇന്ത്യന് ഭാഷകളില് പുറത്തിറങ്ങുന്ന ഒരു പാന്-ഇന്ത്യന് സിനിമയായിരിക്കും ഇത്. വിജയനായി വേഷമിടുന്നത് ആരാണ് എന്നത് അണിയറപ്രവര്ത്തകര് രഹസ്യമാക്കി വെച്ചിരിക്കുകയാണ്. പൂരം നാളിലെ പ്രഖ്യാപനത്തിനായി കാത്തിരിക്കുകയാണ് ആരാധകര്.പന്തുകളിക്കാരനായി തുടങ്ങി, പോലീസ് ഉദ്യോഗസ്ഥനായും നടനായും പത്മശ്രീ ജേതാവായും മാറിയ ഐ.എം. വിജയന്റെ പോരാട്ടവീര്യം ഒമര് ലുലുവിന്റെ ദൃശ്യഭാഷയില് എത്തുമ്പോള് അതൊരു കായിക വിരുന്ന് തന്നെയാകുമെന്ന് ഉറപ്പാണ്.
മലയാളത്തിലെ ആദ്യ മ്യൂസിക്കല്-ഹൊറര്- കോമഡി; ‘കറക്കത്തിന്റെ ‘ടീസര് പുറത്തിറക്കി മോഹന്ലാല്
മലയാളത്തിലെ ആദ്യ മ്യൂസിക്കല്-ഹൊറര്-കോമഡി ചിത്രം ‘കറക്കം’ ടീസര് പുറത്തിറങ്ങി. മെഗാസ്റ്റാര് മോഹന്ലാല് ലോഞ്ച് ചെയ്ത ഈ ടീസര് ഇതിനോടകം തന്നെ സോഷ്യല് മീഡിയയില് തരംഗമായിക്കഴിഞ്ഞു. മൈക്കല് ജാക്സണ് തരംഗം തീര്ത്ത 80-കളിലെ ആത്മാക്കള് ന്യൂജനറേഷന് കാലഘട്ടത്തിലേക്ക് വിരുന്നെത്തുന്ന ചിത്രത്തില് പഴയകാലത്തെ ഡിസ്കോ താളവും ഇന്നത്തെ ട്രെന്ഡുകളും തമ്മിലുള്ള രസകരമായ കൂടിച്ചേരലാണ്.ഒരു കൂട്ടം ന്യൂജനറേഷന് യുവാക്കളും അശാന്തരായി കറങ്ങിനടക്കുന്ന പ്രേതങ്ങളും തമ്മില് ഉണ്ടാകുന്ന സംഭവവികാസങ്ങളാണ് സിനിമയുടെ പ്രേമേയം. ശ്രീനാഥ് ഭാസി, ഫെമിന ജോര്ജ്, ഷൗണ് റോമി, സിദ്ധാര്ഥ് ഭരതന്, അഭിറാം രാധാകൃഷ്ണന്, പ്രവീണ് ടി.ജെ. എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.ബ്ലാക്ക് ടര്ട്ടില് പ്രൊഡക്ഷന്സിന്റെയും ക്രൗണ്സ്റ്റാര്സ് എന്റര്ടെയ്ന്മെന്റിന്റേയും ബാനറില് അങ്കുഷ് സിങ്, കിമ്പര്ളി ട്രിനിഡാഡ് എന്നിവര് ചേര്ന്ന് നിര്മിച്ച ചിത്രം സുഭാഷ് ലളിത സുബ്രഹ്മണ്യനാണ് സംവിധാനം ചെയ്തിരിക്കുന്നത്. നിപിന് നാരായണന്, സുഭാഷ് ലളിത സുബ്രഹ്മണ്യന്, അര്ജുന് നാരായണന് എന്നിവര് ചേര്ന്ന് തിരക്കഥ തയ്യാറാക്കിയിരിക്കുന്ന ചിത്രം ഒരു പുത്തന് ദൃശ്യവിരുന്നാണ് പ്രേക്ഷകര്ക്കായി ഒരുക്കിയിരിക്കുന്നത്.
2040-ലെ പ്രണയം കാണാൻ റെഡിയായിക്കോ; ‘LIK ഒടിടി റിലീസ് തീയതി എത്തി
പ്രദീപ് രംഗനാഥനെ നായകനാക്കി വിഘ്നേഷ് ശിവൻ സംവിധാനം ചെയ്ത ‘ലവ് ഇൻഷുറൻസ് കമ്പനി’ (LIK) എന്ന ചിത്രത്തിന്റെ ഒടിടി റിലീസ് സംബന്ധിച്ച ആകാംക്ഷകൾക്ക് വിരാമമാകുന്നു. ഏപ്രിൽ പത്തിന് തിയേറ്ററുകളിലെത്തിയ ഈ സയൻസ് ഫിക്ഷൻ റൊമാന്റിക് കോമഡി ചിത്രത്തിന്റെ ഡിജിറ്റൽ അവകാശങ്ങൾ ആമസോൺ പ്രൈം വീഡിയോയാണ് സ്വന്തമാക്കിയിരിക്കുന്നത്. തിയേറ്റർ റിലീസിന് ശേഷം കൃത്യമായ ഇടവേള പാലിച്ച്, മെയ് രണ്ടാം വാരത്തോടെ ചിത്രം സ്ട്രീമിംഗ് ആരംഭിക്കുമെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. 2040-ലെ സാങ്കൽപ്പിക പശ്ചാത്തലത്തിൽ പ്രണയവും സാങ്കേതികവിദ്യയും കോർത്തിണക്കി ഒരുക്കിയ ഈ ചിത്രത്തിൽ കൃതി ഷെട്ടി, എസ്.ജെ. സൂര്യ എന്നിവരും പ്രധാന വേഷങ്ങളിൽ എത്തുന്നുണ്ട്. അനിരുദ്ധ് രവിചന്ദറിന്റെ സംഗീതവും നയൻതാരയുടെയും വിഘ്നേഷ് ശിവന്റെയും നിർമ്മാണവും ചിത്രത്തിന് വലിയ രീതിയിലുള്ള ഹൈപ്പ് നൽകിയിരുന്നു. തമിഴ്, തെലുങ്ക് ഭാഷകളിൽ പുറത്തിറങ്ങിയ ചിത്രം വൈകാതെ തന്നെ ആഗോളതലത്തിൽ ഒടിടി പ്ലാറ്റ്ഫോമിലൂടെ പ്രേക്ഷകരിലേക്ക് എത്തും.
അഞ്ചുമനയിൽ തിരിതെളിഞ്ഞു; ജയസൂര്യയുടെ കരിയറിലെ ഏറ്റവും വലിയ പ്രൊജക്റ്റുകളിൽ ഒന്നായ ‘മായൻ’ വരുന്നു
മലയാള സിനിമയിൽ തന്റെ വ്യത്യസ്തമായ വേഷങ്ങൾ കൊണ്ട് വിസ്മയിപ്പിക്കുന്ന ജയസൂര്യയെ നായകനാക്കി ജിതിൻ കെ. ജോസ് സംവിധാനം ചെയ്യുന്ന ‘മായൻ’ എന്ന ചിത്രത്തിന്റെ ചിത്രീകരണം ആരംഭിച്ചു. മാജിക് മൂൺ പ്രൊഡക്ഷൻസിന്റെ ബാനറിൽ ഒരുങ്ങുന്ന ഈ ബിഗ് ബജറ്റ് ചിത്രത്തിന്റെ പൂജാ ചടങ്ങുകൾ കൊച്ചിയിൽ അഞ്ചുമന ക്ഷേത്രത്തിൽവെച്ച് ഇന്ന് ഗംഭീരമായി നടന്നു. ജയസൂര്യയുടെ കരിയറിലെ തന്നെ ഏറ്റവും വലിയ പ്രൊജക്റ്റുകളിൽ ഒന്നായി കരുതപ്പെടുന്ന ഈ ചിത്രം, പ്രേക്ഷകർക്ക് ഒരു നവ്യമായ സിനിമാനുഭവം സമ്മാനിക്കുമെന്നാണ് പ്രതീക്ഷിക്കപ്പെടുന്നത്. റാഫിയും ജിതിൻ കെ. ജോസും ചേർന്ന് തിരക്കഥ നിർവഹിക്കുന്ന ഈ ചിത്രത്തിൽ വളരെ നിഗൂഢത നിറഞ്ഞതും വെല്ലുവിളികൾ നിറഞ്ഞതുമായ ഒരു കഥാപാത്രത്തെയാണ് ജയസൂര്യ അവതരിപ്പിക്കുന്നത്. മലയാളത്തിലെ പ്രമുഖ താരങ്ങളും സാങ്കേതിക പ്രവർത്തകരും ഒന്നിക്കുന്ന ‘മായൻ’ തിയേറ്ററുകളിൽ വലിയ തരംഗം സൃഷ്ടിക്കാനൊരുങ്ങുകയാണ്.
‘ഒരു ദുരൂഹ സാഹചര്യത്തില്’കയ്യടി നേടി ചാക്കോച്ചന് ;തിയേറ്ററുകളില് തരംഗമായ് ചിത്രം
രതീഷ് ബാലകൃഷ്ണന് പൊതുവാളും കുഞ്ചാക്കോ ബോബനും വീണ്ടും ഒന്നിച്ചപ്പോള് പ്രേക്ഷകരുടെ പ്രതീക്ഷകള് വാനോളമായിരുന്നു. ഇപ്പോള് ചിത്രത്തിലെ കുഞ്ചാക്കോ ബോബന്റെ സേതു എന്ന കഥാപാത്രമാണ് പ്രേക്ഷക ശ്രദ്ധ നേടുന്നത്. വയനാട് തിരുനെല്ലിയിലെ തോല്പ്പട്ടി എന്ന ഗ്രാമത്തെ പശ്ചാത്തലമാക്കിയാണ് ഈ ചിത്രം വികസിക്കുന്നത്. വെറുമൊരു പേരില് ഒതുങ്ങാതെ സിനിമയുടെ ടോണിനെ മൊത്തത്തില് നിര്വചിക്കുന്ന ഒരു അനുഭവമായി ‘ഒരു ദുരൂഹ സാഹചര്യത്തില്’ മാറുന്നു.സേതുവിന്റെയും മധുവിന്റെയും ജീവിതത്തിലൂടെയാണ് കഥ മുന്നോട്ട് പോവുന്നത്. ഒരു ഗവണ്മെന്റ് ഹെല്ത്ത് വര്ക്കറായ സേതു (കുഞ്ചാക്കോ ബോബന്) ആണ് കഥയിലെ കേന്ദ്രബിന്ദു. കിടപ്പിലായ സഹോദരന് മധുവിനെ പരിചരിക്കുന്നതാണ് സേതുവിന്റെ ലോകം. മരിച്ചുപോയ ഇളയപ്പന് മാര്ക്കോസിന്റെ വിയോഗം താങ്ങാനാവാത്ത മധുവിന്റെ മനസ്സ് ഒരു ഭ്രമലോകം സൃഷ്ടിക്കുന്നു. മധുവിന്റെ മാനസികാരോഗ്യം നിലനിര്ത്താന്, സേതുവിന് ഇടയ്ക്കിടെ മരിച്ചുപോയ ഇളയപ്പന് മാര്ക്കോസായി അഭിനയിക്കേണ്ടി വരുന്നു. ഈ വൈകാരിക പശ്ചാത്തലത്തില് നിന്നാണ് ചിത്രം ഒരു ഉദ്വേഗഭരിതമായ ത്രില്ലറിലേക്ക് വഴിമാറുന്നത്.സേതുവിന്റെ മാനസിക സംഘര്ഷങ്ങളെ വളരെ കൃത്യമായി ചാക്കോച്ചന് സ്ക്രീനില് എത്തിക്കുന്നുണ്ട്.കുഞ്ചാക്കോ ബോബന്റെ പ്രകടനം കരിയറിലെ തന്നെ ഏറ്റവും ഞെട്ടിക്കുന്നതും പക്വവുമായ പ്രകടനമാണ് സേതുവിലൂടെ ആരാധകര് വിലയിരുത്തുന്നത്.ചിത്രത്തിലെ പ്രകടനം കണ്ട ആരാധകര് പറയുന്നത് ചാക്കോച്ചനെ തേടി ഇത്തവണ പുരസ്കാരങ്ങള് എത്തുമെന്നാണ്.
സൈബര് ക്രൈം ത്രില്ലറുമായി പുനീത്; ‘അച്യുത അവതാര’ത്തിന്റെ പുത്തന് പോസ്റ്റര് പുറത്തിറങ്ങി!
കന്നഡയിലെ പ്രമുഖ എഴുത്തുകാരനും ചലച്ചിത്ര പ്രവര്ത്തകനുമായ പുനീത് ആദ്യമായി മലയാളത്തില് തിരക്കഥയെഴുതി സംവിധാനം ചെയ്യുന്ന അച്യുത അവതാര’ത്തിന്റെ പുത്തന് പോസ്റ്റര് സോഷ്യല് മീഡിയയില് തരംഗമാകുന്നു. റെയ്റ വെഞ്ചേഴ്സിന്റെ ബാനറില് രമേശ.സി, രുദ്രമൂര്ത്തി, രാജേഷ്.ആര് എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്.ഒരു പക്കാ സൈബര് ക്രൈം ത്രില്ലറായി ഒരുങ്ങുന്ന ചിത്രം മെയ് മാസത്തില് തീയേറ്ററുകളിലെത്തും.മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലാണ് റിലീസ് ചെയ്യുന്നത്. സൈബര് ആസക്തിയുടെ ഭയാനകമായ പ്രത്യാഘാതങ്ങളും അതോടൊപ്പം ഹൃദയസ്പര്ശിയായ ഫാമിലി ഡ്രാമയും സമന്വയിപ്പിച്ചാണ് ചിത്രം ഒരുക്കിയിരിക്കുന്നത്.മാളവിക നന്ദന്, അവിനാശ് (കാന്താര ഫെയിം), സീമ ജി. നായര് എന്നിവര്ക്കൊപ്പം പ്രമുഖ ദക്ഷിണേന്ത്യന് താരങ്ങളും വേഷമിടുന്നു. ദേശീയ അവാര്ഡ് ജേതാവായ ആനന്ദ് മീനാക്ഷിയാണ് ചിത്രില് കാമറ കൈകാര്യം ചെയ്യുന്നത്.ഹരീഷ് മോഹനന്റെ വരികള്ക്ക് പ്രസന്ന കുമാര് എം.എസ് ആണ് സംഗീതം നല്കിയിരിക്കുന്നത്. എഡിറ്റിങ്: പവന് പൂവയ്യ & മഹേഷ് തോട്ട, ആര്ട്ട്: നാഗരാജു & നവീന്, വി. എഫ്.എക്സ് & ഡിസൈന്സ്: ഐഡന്റ് ലാബ്സ്, ലൈന് പ്രൊഡ്യൂസര്: ലോഹിത് ഷെട്ടി പാല്ഗെ & അഖില് ഉച്ചില്, മേക്കപ്പ്: വികാസ് & ഷിജിനി, കോസ്റ്റ്യൂംസ്: മഞ്ജുനാഥ്. വി, പ്രൊഡക്ഷന് കണ്ട്രോളര്: വിശ്വനാഥ് ബി.എച്ച് കുമാര്, ജഗദീഷ് മളവള്ളി, ഡിജിറ്റല് മാര്ക്കറ്റിങ്: വൈറ്റ് പേപ്പര്, പി.ആര്.ഓ: പി. ശിവപ്രസാദ് എന്നിവരാണ് മറ്റ് അണിയറ പ്രവര്ത്തകര്.
തൊപ്പി ഇനി വെള്ളിത്തിരയിൽ..ബൂം ബാങ്’ ചിത്രീകരണം ആരംഭിച്ചു.
സോഷ്യൽ മീഡിയ സെൻസേഷൻ നിഹാദ് തൊപ്പി ഇനി വെള്ളിത്തിരയിലേക്ക്! ബ്രിട്ടീഷ് സിനിമാസിന്റെ ബാനറിൽ ജുനൈദ് മുഹമ്മദ് സംവിധാനം ചെയ്യുന്ന ‘ബൂം ബാങ്’ എന്ന ചിത്രത്തിന് കൊച്ചിയിൽ ആവേശകരമായ തുടക്കം. കൊച്ചി ചവറ കൾചറൽ സെൻ്ററിൽ വെച്ച് നടന്ന പൂജ ചടങ്ങുകളോടെയാണ് ചിത്രത്തിന്റെ ഷൂട്ടിംഗ് ആരംഭിച്ചത്. സിജു വിൽസൺ, സിദ്ധാർഥ് ഭരതൻ തുടങ്ങിയ മുൻനിര താരങ്ങൾക്കൊപ്പം യൂട്യൂബർ നിഹാദ് തൊപ്പിയും പ്രധാന വേഷത്തിൽ എത്തുന്നു എന്ന പ്രത്യേകത ഈ ചിത്രത്തിനുണ്ട്.സിജു വിൽസൺ, സിദ്ധാർഥ് ഭരതൻ, നിഷാന്ത് സാഗർ, അരുൺ കുര്യൻ, സുബിൻ ടാർസൻ, മിഥുട്ടി, ദേവിക സതീഷ്, ഷാരിക്ക് മുഹമ്മദ് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ചിത്രത്തിൻ്റെ കഥ, തിരക്കഥ, സംഭാഷണങ്ങൾ എന്നിവ ഒരുക്കിയിരിക്കുന്നത്ജിൻഷാദ് ഗുരുവായൂർ ആണ് . ലൈൻ പ്രൊഡ്യൂസർ -ഗിരീഷ് കൊടുങ്ങല്ലൂർ.ഛായാഗ്രാഹകൻ- ജിൻഷാദ് ഗുരുവായൂർ, എഡിറ്റർ- നിർമൽ ആർ, ആർട്ട് ഡയറക്ടർ-അനൂപ് വിജയകുമാർ, സംഗീതവും ഒറിജിനൽ സ്കോറും- ജുബൈർ മുഹമ്മദ്, മേക്കപ്പ്- റോണക്സ് സേവ്യർ, കോസ്റ്റ്യൂം-മെൽവി ജെ, ആക്ഷൻ കൊറിയോഗ്രാഫർ-റോബിൻ ടോം, ഓഡിയോഗ്രാഫി- ഗോകുൽ ഗോപിനാഥ്, സ്റ്റിൽസ്- രാഹുൽ എം സത്യൻ, എസ്. ബി. കെ. ഷുഹൈബ്, ചീഫ് അസോസിയേറ്റ് ഡയറക്ടർ- തൻവിൻ നസീർ, ചീഫ് അസോസിയേറ്റ് DOP-ഹേമചന്ദ് ഹേമചന്ദ്രൻ, പ്രൊഡക്ഷൻ കൺട്രോളർ- പ്രസാദ് നമ്പ്യൻകാവ്, പബ്ലിസിറ്റി ഡിസൈൻ- യെല്ലോ ടൂത്ത്സ്, പിആർഒ- വൈശാഖ് സി വടക്കെവീട്, ജിനു അനിൽകുമാർ, എ എസ് ദിനേശ്, മാർക്കറ്റിംഗ് കൺസൾട്ടന്റ്റ് ബ്രിങ് ഫോർത്ത് എന്നിവരാണ് മറ്റ് അണിയറപ്രവർത്തകർ.