ഇന്ത്യയുടെ 80-ാം സ്വാതന്ത്ര്യവാർഷികാഘോഷങ്ങൾക്ക് നിറം പകരാൻ പ്രത്യേക ഡൂഡിലുമായി ഗൂഗിൾ. ഇന്ത്യൻ തുണിത്തരങ്ങളിൽ നിന്ന് പ്രചോദനം ഉൾക്കൊണ്ട വർണാഭമായ ഡിസൈനാണ് ഗൂഗിൾ ഡൂഡിലിൽ ഒരുക്കിയിരിക്കുന്നത്.
രാജ്യത്തിന്റെ സമ്പന്നമായ സംസ്കാരം, പാരമ്പര്യം, വൈവിധ്യം എന്നിവയെ പ്രതിഫലിപ്പിക്കുന്നതാണ് ഈ കലാസൃഷ്ടി.
പരമ്പരാഗത ഇന്ത്യൻ തുണിത്തരങ്ങളുടെ ശൈലിയും സാംസ്കാരിക പൈതൃകവും ഉൾക്കൊണ്ടാണ് ഗൂഗിൾ ലോഗോയ്ക്ക് പുതിയ രൂപം നൽകിയിരിക്കുന്നത്.
സുപരിചിതമായ ഗൂഗിൾ അക്ഷരരൂപത്തിന് തനതായ ഇന്ത്യൻ ഭാവം നൽകുന്ന ഡൂഡിൽ ഇതിനോടകം ശ്രദ്ധ നേടിയിട്ടുണ്ട്. ഇന്ത്യയിലെ വലിയ ഉപയോക്തൃ സമൂഹത്തെ പരിഗണിച്ചുള്ള ഗൂഗിളിന്റെ പ്രത്യേക നീക്കമായാണ് ഇതിനെ വിലയിരുത്തുന്നത്.
