റഷ്യ-യുക്രൈൻ യുദ്ധം അവസാനിപ്പിക്കുന്നതിനായി ഇടപെടാൻ ഇന്ത്യ തയ്യാറാണെന്ന് വിദേശകാര്യമന്ത്രി എസ്. ജയശങ്കർ. ആവശ്യമെങ്കിൽ മധ്യസ്ഥത വഹിക്കാനും ഇന്ത്യ സന്നദ്ധമാണെന്ന് അദ്ദേഹം പറഞ്ഞു. യുക്രൈൻ തലസ്ഥാനമായ കീവിൽ യുക്രൈൻ വിദേശകാര്യമന്ത്രി ആൻഡ്രി സിബിഹയ്ക്കൊപ്പം മാധ്യമങ്ങളെ കാണുന്നതിനിടെയായിരുന്നു പ്രതികരണം.
ഇന്ത്യക്ക് ഏതെങ്കിലും വിധത്തിൽ സഹായിക്കാനാകുമെങ്കിൽ അതിന് തയ്യാറാണെന്ന് ജയശങ്കർ വ്യക്തമാക്കി. റഷ്യ-യുക്രൈൻ സംഘർഷത്തിനിടെ കരിങ്കടലിൽ ചരക്കുകപ്പലുകൾക്ക് നേരെയുണ്ടായ ആക്രമണങ്ങളും ഇരു മന്ത്രിമാരുടെയും ചർച്ചയിൽ വിഷയമായി. സെപ്റ്റംബർ 3 മുതൽ 5 വരെ നീളുന്ന ത്രിദിന സന്ദർശനത്തിന്റെ ഭാഗമായി യുക്രൈൻ കൂടാതെ പോളണ്ടും ജയശങ്കർ സന്ദർശിക്കും.
കിർഗിസ്താനിലെ ബിഷ്കെക്കിൽ നടന്ന ഷാങ്ഹായി ഉച്ചകോടിക്കിടെ പ്രധാനമന്ത്രി നരേന്ദ്ര മോദി റഷ്യൻ പ്രസിഡന്റ് വ്ലാദിമിർ പുതിനുമായി കൂടിക്കാഴ്ച നടത്തിയിരുന്നു. അവസാനമില്ലാത്ത യുദ്ധത്തിൽ നിന്ന് യുദ്ധത്തിന്റെ അവസാനത്തിലേക്കാണ് നീങ്ങേണ്ടതെന്ന് മോദി ആഹ്വാനം ചെയ്തതിന് പിന്നാലെയാണ് ജയശങ്കറിന്റെ യുക്രൈൻ സന്ദർശനവും മധ്യസ്ഥത സംബന്ധിച്ച പരാമർശവും.
